Subscríbete mediante RSS

pon o teu Email

20/12/08

Os Reis Magos visitaron o cole

Xosé
Hoxe pola mañá os Reis Magos, Gaspar, Melchor e Baltasar visitaron aos nenos e nenas de educación infantil e de primeiro e segundo cursos de primaria. Víñanche ben guapos, cos seus mantos reais, os seus cofres e as súas coroas.



Pasaron polas aulas saúdando a todos os nenos e comprobando que se portaron ben este ano. Logo da sorpresa inicial, os Reis falaron con cada neno e recolleron as cartas que estes escribiran cos seus desexos e gardáronas no seu saco.



E non quedou ninguén sen probar os doces caramelos que trouxeron os Reis nos seus cofres reais.

Agora só queda esperar que os Reis atopen eses regalos para que volos poidan deixar nas vosas casas! Sorte a todos e a todas!

Despois de marchar os Reis aínda seguimos coa festa, e bailamos e comemos lambonadas a fartar!

Xosé / Autor/a

Os autores e autoras das publicacións son mestres do CEIP A Rúa

0 comentarios:

Publicar un comentario