Subscríbete mediante RSS

pon o teu Email

14/03/10

Éxito rotundo do 1º cross do CEIP A Rúa

Ana
Este domingo, ás 7:30 da mañá pais e nais da ANPA chegaban ó colexio ilusionados/as pola iniciativa de levar a cabo o 1º cross do CEIP A Rúa pero, á vez, coa tensión de que todo saíse á perfección.





Houbo unha grande afluencia de público, que queremos agradecer dende aquí. Nenos/as de todas as idades dos diferentes centros do Morrazo, pais, nais, avós/avoas , exalumnos/as...

Participaron case 400 atletas.











Climatoloxicamente, o día presentaba a súa mellor cara, lucía un sol radiante que, desgraciadamente, os eucaliptos ocultaban nalgúns tramos do percorrido.






















Foi fantástico ver as caras de felicidade dos cativos/as correndo e recibindo as medallas!!








Contamos co mellor reporteiro, alma de toda a festa deportiva!!
Carlos, grazas por ser como es!! :-)


















Na modalidade de adultos participaron máis de 30 persoas: pais, nais, exalumnos...










A organización, impecable!! O cross foi áxil, animado, divertido... unha gozada!!

Dende aquí, queremos darlle as grazas á ANPA, a tódolos pais e nais que colaboraron, á Fundación Cangas Deporte, ó Clube de Atletismo Vila de Cangas, a Calvar (Director Técnico Deportivo), á Deputación, a Protección Civil, ó Concello e a todas as empresas que contribuíron dunha forma ou outra para que este cross fose posible.

Finalmente, salientar a colaboración e participación no cross de Adrián e Nerea, dous exalumnos dos que estamos superorgullosos/as.
Por certo, para o cross do vindeiro ano, igual hai unha sorpresa para os exalumnos/as!! Estade atentos/as!!

De hoxe nun ano, máis e (aínda que vai ser difícil) mellor!!




Parabéns a todos os nosos e as nosas atletas
e a seguir correndo "cun pé aquí e outro acolá"!!

CLASIFICACIÓNS




Ana / Autor/a

Os autores e autoras das publicacións son mestres do CEIP A Rúa

1 comentarios:

  1. Noraboa a ANPA, e a todos os organizadores, polo rotundo éxito desta proba deportiva.
    Tamén quero felicitar as/aos deportistas, se seguen con tanto entusiasmo chegarán ás olimpiadas.

    ResponderEliminar