CEIP A RÚA

Paraugas pola PAZ

2012-01-30T19:42:00.000+01:00

Hoxe celebramos un breve acto sumándonos ao proxecto artístico mundial "Paraugas pola Paz" de Matt Lamb. Consistiu nunha concentración de todo o alumnado e profesorado no patio cos paraugas que previamente se decoraron en cada aula e cos que trouxeron da casa decorados coa axuda das familias.

Os nenos e as nenas recitaron poemas e corearon frases e palabras que amosan valores nos que cremos e que contribúen a construír un mundo mellor.

Ás familias queremos dicirlle GRAZAS porque sempre estades dispostas a colaborar.

Oli visita a nosa biblioteca

2012-01-23T19:55:00.002+01:00

O DÍA 19, OLI CHEGOU A NOSA BIBLIO PARA CONTARNOS EN PRIMICIA...ARTUR. COMEZOU POR ENSINARNOS UNHA CAIXIÑA DE MÚSICA QUE SERVIU PARA FACER A SÚA PRESENTACIÓN E CREAR UN AMBIENTE MOI MÁXICO....

ALUMNOS/AS E MESTRAS ESTÁBAMOS PREPARADIÑOS PARA ESCOITAR A OLI. TRAÍA UNHA MALETIÑA MOI MISTERIOSA.

PRESENTOUNOS A ARTUR, PIRATA PATA DE LATA, ONCE DAMAS ATREVIDAS...FACENDO UNHA PEQUENA HISTORIA A MODO DE INTRODUCCIÓN, NA QUE ARTUR ERA O PROTAGONISTA. TODOS VIÑAN GARDADIÑOS NA SÚA MALETA E SORPRENDEUNOS A TODOS CON TANTA ILUSIÓN COMO ESPERTOU.

E COMEZOU CO ESPERADO ARTUR. GUSTOUNOS MOITO A SÚA ARTE DE CONTAR.


ATENDENDO AS NOSAS PETICIÓNS, LEUNOS O PIRATA PATA DE LATA QUE TANTO NOS GUSTA.

Ó FINAL, OLI ADICOUNOS UN MOMENTIÑO PARA ASINARNOS OS SEUS LIBROS.

A VERDADE É QUE NOS ESCRIBIU COUSIÑAS MOI, MOI BONITAS.

Publicado no Recanto de Roni

Propostas para celebrar o día da Paz

2012-01-11T23:25:00.000+01:00

Paraugas pola Paz (Entrada recollida na web do Seminario Galego de Educación para a Paz)

Proposta do Colexio de Vite, de Santiago de Compostela, para o Día Escolar pola Paz.

Proxecto PARAUGAS POLA PAZ, de MATT LAMB (pintor irlandés)

Proxecto artístico internacional (Paz mundial). Mensaxe de paz a través da arte.

Pintarase un paraugas por aula e farase a exposición e o desfile polo colexio cos paraugas decorados o 30 xaneiro do 2012.

O paraugas como metáfora de protección. A parte superior (que é a que se pinta) simboliza a vivenda e a parte interior/inferior representa as nosas preocupacións e medos.

Pode a arte cambiar o mundo? Absolutamente! (Matt Lamb)

(Pincha na imaxe para obter máis información)

Ver nos seguintes blogs para obter máis ideas de como elaborar os paraugas:

Lerias de Vite
CEIP de Vite I

Imaxes en Google "Paraguas por la paz"
A paz é o camiño... (Blog de Manuel Dios Diz)

A visita dos Reis Magos

2011-12-21T22:48:00.000+01:00

Esta mañá, arredor das 10:30, as SS. MM. os Reis Magos visitaron o noso Centro.¡Que emoción cando entraron na biblioteca! Todos os nenos e as nenas tiñan preparadas as súas cartas para entregarllas aos Magos. Falaron con eles, léronlles as cartas, botaronas no saco Real... Con cara de satisfacción recollían os caramelos agardando que deica uns días as SS. MM. deixen os agasallos nos zapatos de cada un.

Ao rematar a visita dos Reis, houbo festa nas aulas con degustación de produtos navideños, música e baile.

Foi un día especial.

Entrega do 1º premio do sorteo

2011-12-21T21:47:00.001+01:00

A gañadora do 1º premio do sorteo celebrado onte recolle o premio de mans dunha alumna de 6º.

O segundo premio, un xamón ibérico, foi para Vigo. Tocoulle a un socio de Montañeiros Celtas.

Noraboa aos premiados.

Resultado do sorteo

2011-12-20T19:03:00.001+01:00

Hoxe ás 12 do mediodía tivo lugar o sorteo para recaudar fondos para a excursión fin de etapa de 6º curso. Os premios eran moi suculentos: unha fin de semana no spa de Moaña e un xamón ibérico.

Fixemos un sorteo público na entrada no colexio e "a man inocente" de Eli (4 anos) escolleu estas dúas rifas:

-1º premio (fin de semana no spa de Moaña): 01817

-2º premio (xamón ibérico): 00352

Felicidades ós/ás premiados/as!!!

Roni recomenda para este Nadal

2011-12-20T11:38:00.001+01:00

Entrada recollida no blog O recanto de Roni

RONI PARA ESTE NADAL, APOSTA POR UN SAQUIÑO CHEO DE BOS DESEXOS, MOITA FELICIDADE PARA O VINDEIRO ANO. APOSTA TAMÉN POLA LECTURA EN FAMILIA, EN BOA COMPAÑÍA, PARA COMPARTIR, PARA GOZAR NO NOSO TEMPO DE LECER, E COMO NON, PARA AGASALLAR ESTE NADAL. A CONTINUACIÓN, OFRECEMOS UNHA AMPLIA PROPOSTA PARA OS NOSOS FANS DA LECTURA.

PROPOSTA PARA EDUC. INFANTIL.

EL PASEO DE ROSALÍA. KALANDRAKA. AUTOR: PAT HUTCHÍS.

LAS DIEZ GALLINAS. EDELVIVES. AUTORA: SYIVIA DUPUIS.

FACEMOS A MALETA. XERAIS. AUTORES: J.G. GIRBES, SILVIA ORTEGA.

UN CABALIÑO DE MAR SOÍÑO.EDICIONES LINTEO. AUTORES: SAXTON, FREYMAN....

COLEC. ZOO. EL GATO. EDIT: COMBEL. AUTORA: MONTSERRAT GANGES.

NA BUSCA DUN FOGAR. EDITORIAL:PATAS DE PEIXE. AUTORES: ALEXIS DEACON, VIVIANE SHWARZ.

PROPOSTA 1º CICLO.

EL GATO CON BOTAS. AUTOR: DAN KERLEROUS.

PILÚ, PILÚ. OQO. AUTORES: SUSANA ISERN, KATHARINA SIEG.

A MIN NON ME COMAS. OQO. AUTORES: MARGARITA DEL MAZO, VITALI KONSTANTINOV.

A VODA DO GALO PINTO. OQO. AUTORES: JOAN ALFONSO BELMONTES, NATALIE PUDALOV.

VICHES O LEÓN. OQO. AUTORES: ARMANDO QUINTERO, GÉRALDINE ALIBEU.

¡ CÓMO MOLA TU ESCOBA!. MACMILLAN. AUTORA: JULIA DONALSON.

PROPOSTA 2º CICLO.

RELATO DE MONSTRUOS. VICENS VIVES. AUTOR: STEVEN ZORN.

MEFI, SATA E DEMI. KALANDRAKA. AUTORA: MERCEDES NEUSCHAFER-CARLON

KAFKA Y LA MUÑECA VIAJERA.EDITORIAL: SIRUELA. AUTOR: JORDI SIERRA.

¡ HOLA SOY...OTTO TERREMOTO!. EDICIONES MONTENA. AURORES: MACDOLAND, ALAN, ROBERTS DAVID.

O ANO EN QUE OS PITOS PERDERON A CABEZA. OQO. AUTORES: PABLO ALBO, MIKEL MARDONES

PROPOSTA 3º CICLO.

CONTOS POR TELÉFONO. KALANDRAKA. AUTOR: GIANNI RODARI.

MONSTER ALLERGY, LA PIRÁMIDE DE LOS INVULNERABLES. EDITORIAL: PLANETA JUNIOR. AUTORES: CENTOMO, ARTIBANI BARBUCI Y CANEPA.

PALABRAS DE CARAMELO. EDITORIAL: XERAIS. AUTOR: GONZALO MOURE.

LAS CARTAS ANÓNiMAS. EDITORIAL:EDELVIVES. AUTOR: JAMES PRELLER

EL DESCUBRIMIENTO DE AMÉRICA(BANDA DESEÑADA). GERÓNIMO STILTON.

DIARIO DE NIKKI .EDITORIAL:MOLINO. AUTORES: RACHELRENÉE RUSSELL, ESTEBAN MORAN ORTIZ

DIARIO DE GREG. EDITORIAL MOLINO. AUTOR: JEFF RINEY

BO NADAL e PRÓSPERO ANO

2011-12-10T01:38:00.001+01:00

Con esta felicitación elaborada polo alumnado de 6º, queremos desexarvos
un BO NADAL e un PRÓSPERO ANO 2012

Facede click no centro da imaxe para ver o vídeo. :-)

Ver todas

Consigue el tuyo

Tío Lobo

2011-11-30T21:00:00.000+01:00

Onte, na Biblioteca do cole, as nenas e os nenos de 2º léronlle o conto de Tío Lobo ao alumnado de Infantil. Tamén lle fixeron un pequeno agasallo, o conto ilustrado por eles.

Que festa tan divertida!!

2011-11-17T17:31:00.001+01:00

Por fin chegou un bo día para facer o magosto, tivemos que retrasalo unha semana pero mereceu a pena, o día estivo espléndido. Os nenos e as nenas participaron nos xogos, comeron castañas e fixeron o que máis lles gusta, emborrallarse.

Magosto/11

2011-11-16T20:33:00.004+01:00

Temos todo preparado para o magosto: os xogos, a leña, as castañas..., falta que nos acompañe O TEMPO!
Teremos sorte mañá?

Leo, leo... que les?

2011-11-11T18:14:00.004+01:00

Este e o título que eliximos para o TEMA NÚCLEO deste curso que xira arredor da mellora da COMPRENSIÓN LECTORA.

O noso obxectivo fundamental é promover nos nosos alumnos a utilización de estratexias que lles permitan interpretar e comprender de forma autónoma os textos escritos. Os profesores/as tamén temos que actualizarnos polo que estamos participando nun curso de formación no propio Centro.

Roni celebra o Samaín

2011-11-04T16:48:00.000+01:00

Aquí podemos ver a Roni, a mascota da nosa biblioteca, co disfraz que utilizou para celebrar o Samaín. Está moi preparado, neste caso, a súa asesora de imaxe para esta festa, tivo moito que ver. Noraboa Laura, bo traballo.

COMEZA A SEMANA TERRORÍFICA...

2011-10-24T11:47:00.005+02:00

E RONI ESTÁ PREPARADIÑO PARA AMOSARVOS AS ACTIVIDADES TAN TERRORÍFICAS QUE TEMOS PREPARADAS...EMPEZADE A TREMERRRR!!!!.VISITADE O NOSO BLOG E COMPROBARÉDELO.

Protesta por la negativa de la Xunta a crear un comedor escolar en Cangas

2011-10-20T17:34:00.002+02:00

Cangas / La Voz
19/10/2011

La asociación de padres del colegio cangués de A Rúa convocó una concentración ante el concello el próximo viernes, a las 14.45 horas, en protesta por la negativa de la Xunta a gestionar el comedor escolar.
La Consellería de Educación pretende que sea el Anpa la que asuma la contratación de la empresa de cátering, al igual que en muchos otros centro de Galicia (en el caso de Cangas, en los de Nazaret, O Hío y Aldán). La asociación de padres se niega.
El decreto del 2007 que regula los comedores escolares especifica que la modalidad de comedor mediante contrato a una empresa de hostelería (cátering) será excepcional y en cualquier caso, será la propia consellería la que lo formalice.
La única referencia al Anpa en el citado decreto es que Educación podrá colaborar con concellos, diputaciones y otros organismos, entre ellos las asociaciones de padres, en la gestión y organización del servicio.
La cuestión económica se suma al malestar de las Anpas en general, ya que los comedores gestionados directamente por la Xunta (en Cangas, los de San Roque y Castrillón), son más baratos. Los niños que comen a diario se ahorran respecto a los de cátering unos 35 euros al mes.

Publicado por ANPA A Rúa

Escola de pais e nais no CEIP A Rúa no curso 2011-2012

2011-10-14T10:45:00.003+02:00

Animamos a todos os pais e nais do alumnado do CEIP A Rúa a participar na Escola de pais e nais que organiza o departamento de prevención do Ilmo. Concello de Cangas e na que colaboran a ANPA do noso colexio e o Departamento de Orientación.

O vindeiro luns, día 17 de outubro, ás 17:00, no CEIP A Rúa, terá lugar a presentación do programa anual, á que estades todos e todas convidados, e na que se falará dos temas a tratar durante o curso, dos horarios que preferides, e de calquera dúbida que poidades ter ao respecto.

ANIMÁDEVOS A PARTICIPAR!!

ACTUALIZACIÓN NO DÍA 18 DE OUTUBRO DE 2011

Despois de termos a primeira xuntanza o luns día 17, as persoas presentes acordamos manter a próxima sesión o luns día 7 de novembro, tamén ás 17:00 horas.

Aínda quedan prazas dispoñibles, así que estades todos convidados para o vindeiro 7 de novembro!

Saída á praia

2011-10-13T23:42:00.005+02:00

O día 11 de outubro fixemos unha saída á praia de Rodeira. Primeiro estivemos buscando cunchas e rochas, tamén atopamos un caparazón de cangrexo e unhas pinzas. Cando rematamos merendamos, máis tarde xogamos na pista de esqueit e a min se me foi a pelota ao río.

Xaime

Recuperando os xogos populares

2011-09-30T16:48:00.002+02:00

¡¡Que ben o pasan cos xogos de sempre!!

A visita de Bea

2011-09-29T14:14:00.000+02:00

¡Ola! Chámome Laura e quérovos falar da visita de Beatriz, a miña nai, que estivo na “Hora de ler”, o día 26 de setembro do 2011. Ela escolleu un conto de Editoriais Xerais de Galicia, da escritora Fina Casalderrey, titulado “Chamizo”.

Comenzou por lernos o epílogo. Nel, Fina conta que é escritora de contos infantís, e relata historias que lle pasaban cando ela era pequena.

Deste conto Beatriz leunos dous capitulos. O conto trata dunha nena, chamada Martina, á que lle gustan moito os animais. Gustaríalle ter un gatiño, pero a súa nai dille que non pode ser porque viven nun piso.

Logo falounos do Alhzeimer, que é unha enfermidade do cerebro facendo que as persoas perdan os recordos. A continuación leunos un poema escrito por ela, adicado as persoas que teñen esa enfermidade:

Non lembro se medróu a lúa,

nin os nomes dos méus páis,

pero gústanme as túas caricias

e o calor das túas mans.

Se me perdo no camiño

non sei cómo voltar;

auga de ida sen volta,

río que acaba no mar.

Non lembro o teu retrato,

é un extraño o meu irmán,

non sei si rin contigo

ou me fixeches chorar.

Poemas de amor escribín,

volvoretas en min a voar,

follas en branco hai agora,

auga que escapa das máns.

Xa non sei o que sentín,

teño a mirada perdida;

paxariños que voaron

levándose a miña vida.

Ónde foron as verbas,

as caras, os sorrisos?

e por qué de súpeto

xa non lembro os teus bicos?

Tempo que me fas olvidar,

tempo pasado, perdido,

eu sei que ei de marchar,

pero esquecín o camiño.

Bea Fernández

Os xirasois que plantamos na primavera

2011-09-22T21:16:00.001+02:00

Chegou o día

2011-09-12T22:14:00.000+02:00

Por fin chegou o día, os nenos e as nenas moi contentos cos seus libros novos e estreando mochilas agardan con ilusión esta xornada do novo curso. O reencontro cos compañeiros/as, cos amigos/as, cos profesores/as é motivo de alegría neste primeiro día. Quedan por diante uns meses nos que conviviremos compartindo experiencias.
Despois do merecido descanso, agora toca TRABALLAR.

Comeza un novo curso

2011-09-03T21:25:00.003+02:00

Parece que foi onte cando celebramos a festa de fin de curso e xa estamos de volta no cole.
Os profesores/as traballamos e poñemos todo a punto para que as clases empecen con normalidade o día 12 en horario habitual de 9:30 a 14:30.
A reunión da profesora do alumnado de 3 anos coas familias terá lugar o luns día 5 ás 10:00.
En canto ao comedor escolar non temos novas, estamos á espera das instruccións da Consellería de Educación.
BENVIDOS AO NOVO CURSO ESCOLAR

Felices vacacións!!

2011-06-23T17:20:00.001+02:00

Onte foi un día especial, rematou o curso e no cole fixemos a festa de fin de curso.
Os nenos e as nenas participaron nos diferentes xogos cooperativos, todos conseguiron un bonito mandil.
Ao rematar os xogos, tomaron unha abundante merendola para repoñer forzas.
Despois de despedirse dos seus amigos/as e dos profes, moi contentos cos seus traballos marcharon para a casa.
¡¡Felices vacacións!!

EXPRESARTE

2011-06-23T11:26:00.006+02:00

O día 21 acudiron ao colexio membros da asociación ASPAMSIN para amosar o traballo que realizan as persoas con discapacidade intelectual. Neste caso, centráronse nas actividades artísticas que forman parte do Proxecto EXPRESARTE, e máis en concreto no "Museo da Praia" formado por obras plásticas realizadas a partires de obxectos atopados na praia de Rodeira.

Unha vez exposta a presentación por parte de Beli, a encargada do Museo, o alumnado de 3º e 4º, formando grupos cooperativos, recibiron a proposta de participar na creación dunha obra artística cos materiais de refugallo recollidos na praia polos membros da asociación.

"O Rato" e "A que sabe a Lúa"

2011-06-17T20:59:00.007+02:00

Estas son as dúas pequenas obras (en canto a súa duración pero grandes no que se refire á interpretación e posta en escea) coas que nos agasallaron os nenos e as nenas que participaron na actividade de teatro ao longo do curso que remata.

Noraboa aos actores/actrices e ao director por este traballo que tanto nos gustou.

Nesta imaxe vemos un momento da representación de "A que sabe a Lúa"

Os espectadores están moi atentos mentres se representa "O rato"

Aquí podemos ver aos actores e as actrices.

A NOSA EXCURSIÓN A MANZANEDA

2011-06-15T13:54:00.004+02:00

Os alumnos de 6º de San Roque e A Rúa fomos de excursión, os días 18, 19 e 20, a Manzaneda.
O autobús foi coller primeiro os alumnos de San Roque, e despois, a nós. Fixemos unha parada no mosteiro de San Pedro de Rocas para tomar a merenda de media mañá.
Chegamos a Manzaneda ás 3 da tarde, e esperamos un pouco no autobús porque os profesores tiñan que ir a recepción.
Ao chegar aos aloxamentos, dixeronnos cal era a nosa habitación, e os alumnos de San Roque estaban no 2º piso, e nós estábamos no 1º. Deronlle a chave ao encargado, desfixemos á maleta, e despois comemos.
A primeira actividade foi piscina, as 4.30 da tarde. Era unha piscina cuberta e climatizada, e había zonas para nadar, e outras para xogar. Había, balóns, tablas, manguitos…
As 5.30 fomos os aloxamentos, a cambiarnos, e despois a merendar.
Cando rematamos de merendar, fomos a aula de natureza, comezou as 6.00 e rematou as 8.00. Estiveronnos explicando os animales, como os corzos. Contaronnos unha lenda dun home calvo, que buscaba vinganza no medio do monte, e algúns asustámonos un pouco.
As 8.30 ceamos, nun búfet libre.
Pola noite, antes de durmir, fomos o pavillón a xogar a o xogo da Oca, pero unha versión invitada polos monitores. Dividíronnos en 6 grupos, e tíñamos que superar probas, había algunhas fáciles, outras difíciles, e outras casi imposibles.
As 12 acabamos, e fomos a durmir, algúns estivemos despertos case toda noite, pero iso é outra historia.
Ao seguinte día despertamos cedo, para ir a almorzar ás 9.30, almorzamos leite, cola-cao, galletas, tostadas e cereales.
Ás 10, tíñamos que ir a un punto de encontro, para comezar a actividades de orientación. Ensinaronnos a utilizar brúxulas, e despois déronnos un mapa, e tíñamos que buscar puntos, ca brúxula, para responder unhas preguntas.
Ao rematar fomos a equitación, había dous cabalos, un chámabase Flash, e o outro Van Gogh, eran machos os dous. Todos montamos, menos dúas persoas. Ao rematar de montar, fomos á cuadra, e había 3 cabalos máis. Eran todos moi mansos e bonitos.
Fomos a comer, e despois ao rematar, fomos ós karts.
Nos karts, montamos todos, pero algúns non demos todas as voltas, porque nos mareabamos. Tamén nos estrellamos, pero foi moi divertido.
Despois desta actividade, fomos a tiro con arco, e ensináronnos, a parte de cómo tirar, as partes dunha frecha e dun arco. Había persoas con moita puntería, e outra, con non tanta.
Merendamos, e comezou a chover, entonces, retrasamos un pouco a actividade de senderismo. Nese intre fixemos un xogo nun lugar que se chamaba "Club", pero como
deixou de chover fixemos un pouco de senderismo. Había moi boas vistas dende o alto da montaña que fomos visitar.
Ao rematar, fomos a cear, e despois bailamos na disco.
As 10 empezamos o baile e só estábamos os alumnos de A Rúa, pero despois foron chegándo máis persoas. A música, era moi movida, e casi todos bailamos. Rematamos ás 12, e esa noite todos durmimos, profundamente, xa que estabamos cansos do día anterior e de tanta actividade.
Levántamonos cedo o día seguinte para preparar as maletas, que había que levalas á habitación 113 e deixalas alí ata a nosa marcha.
Despois almorzamos, e ao rematar fixemos a actividade de deportes. Dentro do pavillón había os deportes de ping-pong e fútbol, e fóra baloncesto, boleiból e tenis.
Ao rematar estivemos xogando ao beísbol, que era moi divertido.
A última actividade foi escalada, algúns escalamos, e outros non. Hai persoas, que chegaron arriba. A altura do muro era de 18 metros, metía medo!
Fomos ao búfet e comemos. Collemos as maletas, colocámolas no autobús, e tivemos un pouco de tempo para ir a tenda.
No autobús, tamén volvemos cos alumnos e alumnas de San Roque, e mentres chegábamos vimos a peli de "Iron Man". Paramos a merendar, nunha gasolineira da Cañiza, e tomamos o postre típico de Ourense: a Bica.
Chégamos ó colexio despois dun largo tempo, os nosos pais viñeron a buscarnos, e volvemos para a casa.
Foi todo moi divertido, pásamolo, moi moi moi moi moi moi ben!!!!!!! :)

Excursión ás Illas Cíes

2011-06-11T00:28:00.002+02:00

Hoxe, venres, 10 de xuño, os alumnos e alumnas do terceiro ciclo de primaria fomos de viaxe ás Illas Cíes. Tivemos sorte co tempo, pois estaba bo día, algo fresquiño pero despexado. Collemos o catamarán en Cangas, e despois de facer escala en Vigo, chegamos ás Cíes ás 11 da mañá. Alí separámonos en 3 grupos duns 15 nenos/as cada un e seguimos dous itinerarios diferentes acompañados por Paula e Marta, que eran as guías do parque. Un grupo fomos ata o monte do Faro, e os outros dous ata o Alto do Príncipe.

Primeiro Paula e Marta explicáronnos sobre un panel como se chamaban as diferentes partes das Illas: realmente son 3 illas, a do sur, a do medio e a do norte. Faláronnos sobre os ecosistemas das illas, sobre a súa flora e a súa fauna. Tamén nos fixeron fincapé nas normas que todas as persoas deben respectar para coidar o parque nacional.

A primeira explicación que nos deu Paula foi sobre o ecosistema das dunas, que posúe unha fauna e unha flora específica. As dunas, xunto co bosque autóctono, o monte de eucalipto, o monte baixo e os cantís son os ecosistemas fundamentais das Illas.

Xa camiño do Alto do Príncipe atopamos unha vagoada que aínda conserva especies do que podía ser o bosque autóctono. Hoxe en día toda a illa está invadida polo eucalipto, que como todos sabemos son orixinais de Australia, e que foron mandados plantar alá polos anos 1960 polo ditador Franco.

Un pouco máis arriba desa vagoada atopamos outra pequena zona de bosque autóctono, onde había exemplares de carballos, castiñeiros, bidueiros, ameneiros, salgueiros e outras especies.

Chegamos así ao último tramo de subida ata o Alto do Príncipe, xa na cara oeste da Illa, e nun lugar víanse os efectos do vento nordés sobre as follas dunhas árbores que estaban máis secas ca verdes. Paula díxonos que do outro lado do mar estaba América e que poderiamos atoparnos de fronte coa estatua da liberdade.

Xa moi preto do Alto do Príncipe había un ecosistema de monte baixo, onde abunda o toxo, e que ten como fauna máis representativa os coellos, ratos, serpes, e tamén se atopan aves de presa como os miñatos, os azores e os falcóns peregrinos.

Nesa mesma zona vimos unha trampa para visóns, pois resulta que estes animais, que non son autóctonos das Illas, conseguiron chegar a elas nadando desda a costa, despois de fuxiren das granxas onde os crían para facer abrigos de peles, e causan moito dano nos ecosistemas naturais das Illas.

Finalmente chegamos ao mirador do Alto do Príncipe, xusto enriba dos cantís, que son o ecosistema ideal para as gaivotas e os cormoráns. Xusto no borde dos cantís hai unha rocha con forma de cunca, que se chama a cadeira da raíña, e alí posamos todos para unha foto de grupo.

Dende alí puidemos ver unhas vistas fabulosas das Illas, especialmente da Illa do sur, da praia de Rodas, da zona de acampada e do monte do Faro.

Xusto ao pé do monte do Faro, na zona de cantís, vimos furnas, que son unha especie de covas onde crían os cormoráns. Tamén vimos gaivotas aniñando os seus ovos, pois agora é época de cría.

Xa de regreso á zona de acampada aínda puidemos ver un lagarto arnal que quedou posando para todos nós.

Antes de xantar fumos darnos un baño á praia de Rodas, e foi xenial. A auga estaba fresca, pero non houbo quen se resistise a non probala, incluso o profe Antonio!

E aínda vimos moitas máis cousas interesantes, como un barco veleiro de 4 paos fondeado na ría, un cormorán que se mergullaba e pescaba peixes ao lado da nosa zona de baño, unhas pombas torcaces, etc... que podedes ver pinchando na imaxe de abaixo.

Illas Cíes 2011

So queda dicir que despois do xantar regresamos no barco e fartámonos de cantar e de facer as ondas e monumentos a todos os compañeiros e aos profes. Esta excursión foi xenial!!!

PARA SEGUIR APRENDENDO...

1. Se foses un/unha guía das Illas Cíes, que dúas ou tres cousas destacarías para contarlles aos nenos/as do grupo que che tocase levar?

2. Fai un esquema ou cadro-resumo de dobre entrada cos diferentes ecosistemas que atopamos nas Illas e as características de cada un en canto a flora, fauna e lugares onde se atopa.

3. Que valoras máis de todo o que existe no ambiente natural das Illas Cíes? Se foses a persoa responsable do Parque, que medidas proporías para a súa conservación?

Catro de xuño = festa fin de curso

2011-06-06T14:13:00.001+02:00

O catro de xuño celebramos a festa de fin de curso. Pasámolo moi ben xogando a tirar da corda, ás sillas, ao pano, a pasar por debaixo dunha corda, ...
Para repoñer forzas tomamos sandía e melón que estaban deliciosos.
Pola tarde houbo exhibición das actividades que realizaron os nenos/as ao longo do curso.
Foi unha xornada divertida.
Lena e Xaime

O meu amigo Zé Leonel

2011-06-03T13:50:00.012+02:00

Os meus tíos, os meus pais máis eu coñecimos a Zé Leonel (José Leonel Perfeito), un cantante moi famoso de Portugal.

A primeira vez que soubemos que era cantante, agasallounos cun CD del, meu tío díxolle que lle escribira unha dedicatoria e el escribiulle: " Se precisases de uma mao amiga, lémbrate que eu tenho dúas" (anotoulle o número de teléfono e a súa sinatura).

Zé Leonel estivo en varios grupos,un deles foi "Xutos e Pontapés" (insultos e patadas), outro "Ex-votos" e o último no que estivo antes de morrer foi "Zé Leonel+Iva".

Unha das cancións máis famosas do grupo "Ex-votos" é "Canto aos peixes":

Zé Leonel morreu a finais de Semana Santa na súa casa en Póvoa de Santa Iria, concello de Loures. O músico sufría cancro de fígado, que fora diagnosticado facía 5 meses. Zé Leonel deu o seu último concerto cos "Ex-votos" no Centro Cultural Malaposta, en Odivelas, no que participou Kaloo, batería dos "Xutos e Pontapés".

Nadia Jalda Fonseca, 5º de Primaria

COMENTARIOS DO MEU TÍO:

Coñecín a Zé Leonel en España. Non sabía que el era artista, ata que un día me agasallou cun CD dos "Ex- votos". Pedinlle a Zé que me escribira unha dedicatoria e el escribiu "Se precisases de uma mao amiga, lémbrate que eu tenho dúas". Ese era Zé, unha persoa desinteresada, humilde e moi amiga dos seus amigos.

A última vez que estiven con el foi en Vilanova de Cerveira. Ó despedirmos, despois dunha forte aperta, díxome: "Lévote comigo aquí", sinalando no seu peito. Nestes días eu estou moi triste por saber que Zé xa non está entre nós. Noto un vacío no meu corazón que non se dá cheo. Quédame o consolo de que tiven o privilexio de coñecer a unha persoa tan extraordinaria. Obrigado Zé, por compartir comigo algúns momentos da túa vida. Nunca te esquecerei. Ata sempre.

Juan Jesús Jalda Martínez

Entrada publicada no blog de 5º "Rizando o rizo"

Lois Pereiro, Letras Galegas 2011

2011-05-19T14:20:00.000+02:00

Ver todas

Consigue el tuyo

Alumnos/as de 5º de Primaria

UNHA HOMENAXE "AS NOSAS LETRAS" .

2011-05-17T11:24:00.003+02:00

PARA UN DESAIUNO, PARA MERENDAR, PARA COMPARTIR COS AMIGOS, COA FAMILIA....PARA CONMEMORAR O " DIA DAS LETRAS GALEGAS".

SE QUEREDES OLLAR A NOSA GALERÍA LITERARIA PROPOSTA POLOS NENOS/AS DO COLE, VISITADE: RECANTO DE RONI.

A grande meiga de Foz

2011-05-10T13:20:00.010+02:00

O día 28-4-11 fomos os nenos e nenas de 5º e 6º ao Auditorio de Cangas. A obra que vimos titulábase "A grande meiga de Foz". Os actores e actrices eran do colexio Eduardo Pondal.

A historia tratábase dun espantallo que quería un cerebro, unha nena que quería volver a Porriño, un androide que quería un corazón e un boxeador que quería valor.
Ao principio da obra, apareceu a bruxa do Norte que lle deu un bico na fronte a Doriñas, ese bico ía protexela, tamén lle deu uns zapatos que eran da bruxa de Oriente.
Despois saiu a grande meiga de Foz, que era a máis poderosa de todas, concedíalles os desexos que lle pedían. E por último, apareceu a bruxa de Occidente, que intentaba roubarlle os zapatos a Doriñas.
Ao final da obra, todos descubrimos que o espantallo tiña cerebro, o androide corazón e o boxeador valor.

Amable e Vicky

PD: A obra de teatro está baseada no libro "O marabilloso Mago de Oz". A profe Ana está léndonolo na hora de ler. O autor é Lyman Frank Baum.

Podes velo con subtítulos en portugués neste enlace http://www.youtube.com/watch?v=7ljl2xIQB7s&feature=youtu.be

Saboreamos a Lúa

2011-05-03T18:13:00.004+02:00

Recursos didácticos para o Día das Letras Galegas

2011-04-26T14:31:00.000+02:00

Na páxina da Coordinadora Galega de ENDL poñen á nosa disposición un monográfico especial dedicado á figura e á obra de Lois Pereiro, autor homenaxeado no Día das Letras Galegas 2011.

Nel, atoparedes unha escolma de recursos didácticos como actividades en liña, propostas de traballo para as aulas ou unha fonoteca e unha videoteca. Hai recursos para as etapas de educación infantil e primaria, tamén clasificadas por ciclos.

UNHAS RICAS MADALENAS...

2011-04-07T11:04:00.003+02:00

"AS FROITAS" OFRECEMOS A NOSA RICA RECEITA DE MADALENAS. XA NOS CONTAREDES!!!.

Charla para 3º ciclo sobre "Seguridade en Internet"

2011-04-05T18:08:00.014+02:00

El día 1 de abril de 2011 un guardia civil de la Unidad de Delitos Telemáticos vino a darnos una charla sobre la seguridad en Internet. Nos preguntó si teníamos Tuenti ,teléfono móvil, Facebook , etc.

Nos dió algunos consejos e informaciones:

Dijo a los que teníamos Tuenti que nos llegaría un mensaje pidiéndonos el número del D.N. I. para saber si tenemos la cuenta ilegal por ser menores de la edad permitida.

También nos habló de que cuando mandamos una imagen a un amigo después ya no tenemos control de ella.

A continuación nos habló de que
cuando hablamos por un chat social

no sabemos con quién estamos dialogando, alguien puede mentir,
poner una foto que no es suya.

Dijo que tengamos cuidado al hacer descargas con Emule porque podemos descargar sin querer pornografía. Nos contó también que la pornografía infantil esta prohibida en España, entraron en algunos domicilios de Cangas por este delito.

Por último nos indicó que el Facebook era más peligroso que el Tuenti porque si te pasa algo no puedes denundiar el abuso en España.

Aqui os dejo mi opinion:
"Creo que estuvo muy bien porque ahora sabemos lo que no podemos hacer".

Autor: Saúl González Rodríguez, 5º de primaria.

ADIVIÑA, ADIVIÑA...

2011-04-03T19:27:00.004+02:00

"AS FROITAS" PROPOÑEMOS ESTA ADIVIÑA:

ADIVIÑA, ADIVIÑA, ¿QUE VES NA IMAXE?.

NA CLASE MEDIANTE A CHOIVA DE IDEAS, CREMOS QUE SE TRATA DE: MELOCOTÓNS, LARANXAS, LIMÓNS, PERAS DO REVÉS....

ESTAMOS A INVESTIGAR PARA DAR COA SOLUCIÓN QUE MOI PRONTO VOS AMOSAREMOS.

A VER SI NOS APORTADES IDEAS.

BICOS DE FROITA.

Excursión a Meiro para coñecer o millo corvo

2011-03-30T14:01:00.003+02:00

O xoves, 17 de marzo, os nenos e nenas de 5º e 6º fixemos unha excursión a Meiro para coñecer o millo corvo.
O primeiro que fixemos ó chegar foi subirnos a un canastro no que había millo colgado (tiñamos que subir por grupos de 5 ou 6).
Mentres non nos tocaba subir, unha señora ensinounos un palleiro e outros usos da palla; alí había unha cesta chea de carozos de millo e podiamos coller.
Despois fomos botar os carozos de millo que recollemos nun forno para facer pan.
Logo andivemos ata un muíño e vimos moer os grans que se convertían en fariña; ó sair merendamos.
No camiño de volta, paramos a beber nunha fonte. Pouco despois chegamos ao forno e xa estaba o pan listo para comer, quentiño e riquísimo!!!

Nerea, 5º de Primaria

Deixámosvos unhas fotos que ilustran o ben que o pasamos!!! :-)

Ver todas

Consigue el tuyo

ROLIÑOS DE XAMÓN E QUEIXO...

2011-03-25T10:02:00.007+01:00

...RECEITA " AS FROITAS" QUE RECOMENDAMOS PORQUE É MOI SINXELA E ESTÁ MOI MOI RICO!!!.

View all

Get your own

Festa de Entroido 2011

2011-03-08T01:37:00.006+01:00

O venres celebramos no cole de A Rúa o Entroido deste ano. Xa levabamos toda a semana esperando este día e estivemos moi atarefados preparando o desfile, tanto os disfraces como as coplas para cantar. Traballar traballamos, pero comida tampouco falta eh! Como este ano temos A Alimentación como "tema núcleo", tamén estamos fartos de cociñar e de meter para o bandullo todo canto facemos, pois está todo delicioso!

Despois do recreo chegou a hora do desfile, e alá fomos todos e todas. Sabedes de que nos disfrazamos este ano? Pois si, de algo relacionado coa comida e a alimentación! Os de educación infantil ían diante, disfrazados de camareiros e camareiras, e parecían uns expertos profesionais, de elegantes que estaban, cos seus traxes, o pano colgando do brazo e a bandexa chea de manxares na man. Máis que un desfile de camareiros/as parecía un desfile de modelos!

Seguíanos os de primeiro ciclo cos seus disfraces de berenxenas, que tamén foron ben orixinais! E ademais levaban un grande estandarte.

Logo os de segundo ciclo ían de cociñeiros/as cuns sombreiros ben vistosos, ata parecía que algún o collera prestado nun barco pirata! Xa pechando o desfile ían os de 3º ciclo disfrazados de caramelos multicolores.

Despois, no patio cantamos as coplas, primeiro os de infantil, despois os de 1º ciclo, os de 2º ciclo e remataron os de 3º ciclo.

AS COPLAS PODEDES LELAS AQUÍ

Por último, de despedida, queimamos ao meco no medio do patio, e levou o seu merecido por querer comer a merenda dos nenos e nenas.

Agradecemos a presenza de moitos papás e mamás que viñeron animarnos a todos!

UNHA CITA MOI IMPORTANTE...

2011-03-02T17:33:00.002+01:00

...Á QUE NON PODEDES FALTAR. AQUÍ ESTAREMOS TODOS DISFRAZADOS DE...

UN CARTEL DE " AS FROITAS".

Traballando en grupo

2011-03-02T10:58:00.003+01:00

Hoxe os papás e as mamás viñeron traballar nos disfraces para os nenos e nenas.
Sarai (1º)
Hoxe os papás e as mamás de 1º e 2º reuníronse nas aulas para facer os disfraces de carnaval. As mamás están facendo colares e bolsos para pequenas berenxenas.
Santi (3º)

Sen a vosa colaboración sería moito máis difícil, grazas.

Recursos para o Entroido

2011-02-22T23:51:00.001+01:00

A Coordinadora Galega de ENDL vén de poñer á disposición da comunidade educativa unha páxina web dedicada ao Entroido. Neste monográfico especial podedes atopar información bibliográfica e da rede sobre o entroido, especialmente sobre o entroido tradicional galego; unha escolma de recursos educativos (unidades didácticas, propostas de actividades, cazas do tesouro, xogos, léxicos, receitarios, etc.); manualidades (plantillas de máscaras e antifaces, láminas para colorear, etc.); e literatura relacionada con esta celebración.

APPLE CRUMBLES

2011-02-15T21:09:00.000+01:00

Ingredients

200 gr plain flour
100 gr butter
100gr sugar tbsp dark brown sugar
2 cooking apples a handleful of mixed fruit

Cooking Instructions:

First you need to peel, chop and core the apples.
Rub together the flour and butter until they are at bread crumb consistency, then mix in the granulated sugar.
Put the appels in a dish and sprinkle the mixed fruit and dark brown suger over them.
Then sprinkle on the crumble mix and put in a 180 degrees centigrade oven for 30 mins so that it is golden brown.
Serve with custard or ice cream.

TOSTAS DE ATÚN

2011-02-15T14:23:00.015+01:00

A NOSA RECEITA DESTA SEMANA. PARA SORPRENDER ÓS AMIGO cun delicioso bocadiño. " AS FROITAS DE 5 ANOS".

UN DÍA CON MOITO AMOR...

2011-02-14T18:23:00.004+01:00

...UNS POEMIÑAS TAN, TAN FERMOSOS QUE OS POETAS/POETISAS DE 5º CREAN CON TANTO ARTE!. ¡OLE, OLE, OLE!.

UNHA FORMA IDEAL PARA QUE HOXE E SEMPRE EXPRESEMOS O QUE SENTIMOS A QUEN MÁIS QUEREMOS. BIQUIÑOS DE MEL

Galletas de avea

2011-02-10T21:29:00.001+01:00

Que boas nos sairon estas galletas!!

Para facelas só precisades un pouquiño de tempo e os seguintes ingredientes:

250 gr de azucre
250 gr de copos de avea
250 gr de fariña
250 gr de manteiga
2 ovos
1 sobre de fermento en po
froitos secos segundo o gusto de cada quen (sésamo, améndoas, abelás...)

UN OURIZO DE MAR...

2011-02-03T17:41:00.005+01:00

...QUE ANXO QUIXO TRAER A CLASE PARA QUE TODOS O PUIDÉSEMOS VER. SI QUEREDES SABER MÁIS DESTA EXPERIENCIA VISITADE O BLOG "AS FROITAS".

" AS FROITAS" OFRECEN O SEGUINTE MENÚ

2011-01-31T13:59:00.008+01:00

... PARA CELEBRAR O " DÍA DA PAZ" ELABORAMOS UN MENÚ MOI ESPECIAL. O NOSO MAIOR DESEXO SERÍA QUE FORMASE PARTE DA NOSA DIETA DIARIA.

Recursos educativos TIC para educación infantil e primaria

2011-01-26T12:43:00.003+01:00

Este artigo persegue a intencionalidade de animar e motivar ao profesorado a introducir o uso dos recursos TIC na súa práctica docente habitual, ou se é o caso, a ampliar as posibilidades de actuación para aqueles e aquelas que xa os utilizan. Esperamos que poida servir de guía útil para buscar e seleccionar recursos educativos axeitados ás necesidades de cada quen, conscientes de que non se trata de buscar un cambio radical na práctica docente, se non de ir dando pequeniños pasos que nos axuden a perderlle o medo e a incorporarnos a este novo tren.

Desde hai media ducia de anos, a introdución das TIC nas escolas é unha realidade que non podemos obviar. No día de hoxe xa son moi poucas as familias que non dispoñen dun ordenador na súa casa coa correspondente conexión a internet, e o noso alumnado vai adquirindo destrezas a un ritmo vertixinoso e incorpora o uso das TIC dun xeito "natural". Non convén de ningún modo que a escola se quede atrasada nesta aventura, pois corre o perigo de verse convertida nun lugar cavernoso e escuro á realidade do alumnado.

De seguido presentamos unha tipoloxía de recursos TIC que pretende seguir un modelo didáctico básico estruturado en catro pasos:

1) A busca e ampliación de información sobre un tema calquera;

2) A elaboración e procesamento desa información, realizada fundamentalmente mediante o traballo colaborativo do alumnado coa guía do profesor/a;

3) A comunicación do coñecemento construído, e

4) A avaliación.

O feito de que a avaliación figure no último apartado non implica que sexa ese o momento no que deba realizarse dun xeito illado, pois ben sabemos que a avaliación guía todo o proceso de ensino-aprendizaxe, desde o seu momento inicial, pasando polo formativo, ata un momento final.

Existen moitas outras posibilidades de construír clasificacións de recursos, como poden ser por etapas educativas ou por materias de aprendizaxe, e que de feito xa se poden atopar na rede, pero ese tipo de clasificacións tampouco impiden que se meta nun mesmo saco un montón de recursos educativos de natureza moi diferente e que serven a moi diversos propósitos. Nós pretendemos ofrecer un modelo coherente cun enfoque didáctico centrado no traballo por competencias e as metodoloxías asociadas de traballos por proxectos, traballos por tarefas, traballo colaborativo, etc. onde o alumnado se convirte en protagonista da súa aprendizaxe. Esta tipoloxía inclúe dúas dimensións básicas dos recursos, como son os recursos entendidos como ferramentas e como contidos didácticos elaborados, e que se teñen presentes en cada unha das categorías da clasificación. Desde a nosa perspectiva queremos ofrecer unha visión global e secuenciada das diferentes posibilidades didácticas que nos ofrecen os recursos educativos, e en particular os recursos TIC.

Teñamos sempre presente que o obxectivo xeral da competencia dixital e de tratamento da información (e case se podería dicir que da educación en xeral) consiste en que o alumnado “poida dispoñer de habilidades para buscar, obter, procesar e comunicar información, e para transformala en coñecemento”. Este ambicioso obxectivo estanos pedindo a berros un cambio metodolóxico no que o sempre presente libro de texto deixe a un lado o seu papel protagonista nas escolas do século XXI, para cederllo aos verdadeiros protagonistas, o alumnado das nosas escolas. Cada vez resoan con máis forza as críticas aos libros de texto. En palabras de Jordi Adell: "Los libros de texto son una desgracia en formato papel y en formato electrónico no hacen mas que mostrar sus muchas limitaciones. Ya se han criticado bastante desde el punto de vista ideológico, de su propuesta didáctica escolástica, de que desprofesionalizan a los docentes, etc. Los libros de texto "digitales" no tienen ningún futuro en la sociedad de la información."(...) La pedagogía actual propone actividades más centradas en los estudiantes y menos en el docente, metodologías más activas, trabajo en grupo, investigación y elaboración de artefactos, desarrollo de competencias y no solo adquisición de conocimientos, etc." Ver entrevista a Jordi Adell en Educaweb.

Nesta liña non está de máis lembrar que os recursos web (entendidos tanto como ferramentas como contidos), non se esgotan nas populares actividades de consolidación de coñecementos ou reforzo para o alumnado, como as Jclic, flash, etc. Existen outras ferramentas cun potencial educativo moi superior, e que invitamos a experimentar, como son as ferramentas de traballo colaborativo: Blogs, Wikis, Webquests, Google Docs, eTwinning, as aulas virtuais ou as redes sociais. Sen dúbida son estas ferramentas as que nos ofrecen a posibilidade como docentes de sermos máis autónomos, máis responsables, máis creativos e en consecuencia mellores profesionais da educación.

Por último, sinalar que antes de comezar a utilizar recursos TIC, é conveniente unha reflexión previa sobre o soporte de software que se utiliza. A aínda escasa formación do profesorado neste ámbito condúcenos a utilizar sen máis reflexión aquilo que nos ben dado, ou imposto, por defecto, podemos dicir, nos nosos ordenadores. Estámonos referindo aquí á elección entre software libre e software privativo. Hai alguén aínda a quen se lle ocurra nos tempos de hoxe obrigar ao alumnado dunha escola a utilizar exclusivamente, por exemplo, zapatillas deportivas de marca, como Nike ou Adidas? Pois igual de escandalizados/as deberiamos quedar cando a este alumnado se lle "ofrece" exclusivamente traballar con Windows, Explorer ou Microsoft Word, todos produtos dunha compañía que monopoliza o mercado do software. Estes "pequenos detalles" son a alma do currículo oculto, que imperceptiblemente impregna a conciencia dos axentes educativos nun determinado modelo social e económico. Existe unha alternativa plenamente válida para utilizar no sistema educativo, o software libre (Linux, Firefox, Chromium, OpenOffice, LibreOffice,...), legal e gratuíto, sen custo económico, e sostido nos valores de solidariedade, traballo en equipo e compartición do coñecemento. Por razóns de coherencia, é unha boa causa, aposta por ela. Para saber máis... http://ticarua.blogaliza.org/software-libre/

Propoñemos a seguinte clasificación:

1. Recursos para apoiar a exposición docente (as explicacións habituais do profesor/a) e para buscar información en internet.

2. Recursos para traballos colaborativos e traballo por proxectos

3. Recursos para elaborar e presentar a información

4. Recursos con exercicios e actividades de consolidación de coñecementos e reforzo para o alumnado

5. Outros recursos xeneralistas e de apoio (redes sociais docentes, departamento de orientación (PT, AL...), directorios de recursos...)

.

1. Recursos para acompañar unha exposición do profesor/a e para buscar información en internet

1.1. Buscadores : Google

1.2. Enciclopedias: wikipedia. Autodefinida como un esforzo colaborativo por crear unha enciclopedia gratis, libre e accesible para todos/as.

1.3. Dicionarios

Dicionario da RAG

1.4. Xornais

1.5. Webs con contidos educativos

Museo Nacional do Prado: Conta con recursos como zona de xogos ou audioguías infantís.

Proxecto Biosfera (Para a ESO), Naturaleza Educativa...

1.6. Vídeos: Youtube, Vimeo, Google Vídeos... Documentais... TV...

1.7. Infografías (Eroski Consumer)

1.8. Podcast: audiolibros

1.9. Presentacións OpenOffice

1.10. Contidos educativos (secuencias didácticas): Agrega

Repositorio de contidos dixitais educativos, validados pedagoxicamente, de acceso gratuíto, e elaborados pola comunidade docente.

.

2. Recursos para traballos colaborativos e traballo por proxectos

2.1. Ferramentas básicas: correo electrónico, chat, traballo colaborativo en rede (Google docs). Google Docs é unha ferramenta que permite a creación de textos, presentacións ou follas de cálculo dentro dun navegador web de xeito colaborativo entre varios usuarios. Ademais, permítenos importar os nosos traballos xa feitos e exportalos para poder gardalos. Para utilizar estes servizos é preciso crear unha conta en GMAIL.

2.2. Webquests, cazas do tesouro

As WebQuest son actividades de análise de información obtida da rede. A primeira Webquest deseñouna a mediados dos 90, Bernie Dodge.

As webquests manteñen unha estrutura xeral na que se establecen unha serie de apartados:

• Unha introdución que contextualiza o traballo que se vai desenvolver.

• Unha tarefa que describe o traballo que se vai realizar.

• O proceso que determina o modo no que se obterá a información para levar a cabo con éxito a tarefa.

• A avaliación que establece o método de cualificación da actividade.

• E unhas conclusións finais que visualicen o obxectivo conxunto da actividade.

2.3. Tarefas, traballo por proxectos...

O traballo por proxectos de aula é unha das metodoloxías máis completas e axeitadas para desenvolver as competencias básicas no noso alumnado.

Con esta metodoloxía os alumnos e alumnas convértense nos protagonistas da súa aprendizaxe. Aprenden a presentar ideas, a debatir, a traballar en grupos, a buscar infomación e a traballar con esa información, seleccionándoa, procesándoa e elaborándoa para finalmente comunicala, xa oralmente ou mediante traballos escritos.

Unha introdución ao traballo por proxectos podemos vela neste enlace: https://sites.google.com/site/competenciasrua/practica-educativa/traballo-por-proxectos

E neste outro algunhas exemplificacións: https://sites.google.com/site/competenciasrua/practica-educativa/traballo-por-proxectos/exemplificacions-de-proxectos

CEPR Pablo de Olavide (Cádiz). Web con moitos recursos propios. Ten un amplo banco de actividades e tarefas deseñadas tendo en mente a adquisición das competencias básicas. Recompilación efectuada por Benito García Peinado. Máis de 230 actividades, tarefas e materiais pensados para a preparación da proba de diagnóstico. Problemas, actividades, situacións, adiviñas, razoamentos,...

Eduteka (Proxectos de clase) EDUTEKA é un Portal Educativo gratuíto de Colombia, xestionado pola Fundación Gabriel Piedrahita Uribe, que dedica un espazo importante aos proxectos de clase.

2.4. Ferramentas de traballo colaborativo: eTwinning

eTwinning fomenta a colaboración escolar a través das tecnoloxías da información e a comunicación (TIC) para que os centros escolares europeos se asocien, a curto ou a longo prazo, para traballar xuntos en proxectos sobre calquera tema.

2.5. Aulas virtuais:

Moodle: Os sistemas de xestión da aprendizaxe (LMS ou Learning Management Services) son aplicacións que se executan na rede e que están destinadas á formación non presencial ou e-learning. O seu obxectivo é fornecer todas as características da formación presencial nunha contorna virtual. Así, pódese xestionar o alumnado, os contidos formativos, as accións de avaliación, etc. Moodle permite a xestión de roles para distintos tipos de persoa usuaria e a incorporación de calquera tipo de material educativo e recursos. Permite a integración de elementos multimedia como audio e vídeo e a xestión de obxectos de aprendizaxe.

Nesta web temos información sobre como instalar e administrar un aula virtual con Moodle: http://recursos.cepindalo.es/course/view.php?id=17

Edmodo... Edmodo.com é un dos espazos máis cómodos para crear un aula virtual, xa que o acceso do alumnado está totalmente controlado e libre de calquera contido que poida ser prexudicial. Ademais, o espazo de traballo é moi claro e facilita a xestión de actividades calendarizadas, a comunicación entre todos os membros do grupo e o intercambio de ficheiros entre outras cousas.

2.6. Redes sociais: Facebook, Twiter...

.

3. Recursos para elaborar e presentar a información

3.1. Presentación OpenOffice. Unha presentación web tamén pode elaborarse colaborativamente en Google Docs.

3.2. Blogs de aula , wikis... (portafolio, dossier...) Un blogue é un tipo de páxina web na que hai unha serie de anotacións consecutivas por orde cronolóxico inverso, é dicir, das máis recentes ás máis antigas. Podemos crear blogs de colexio, de aula, de profesores, de alumnado, etc., e ser utilizado con moi diversos fins. Os wikis tamén son un tipo de páxina web que manteñen unha estrutura de libro, cun índice e os distintos capítulos, e o seu contido pode ser creado tamén de xeito colaborativo por múltiples usuarios.

(Blog de terceiro ciclo do CEIP de Quintela)

3.3. Recursos da web 2.0 A web 2.0 é como se denominan os servizos online que nos permiten elaborar un sinfín de contidos multimedia con contido educativo. A modo de exemplo, podemos ver:

3.3.1. Vídeo (dotSUB...), podcast

3.3.2. Mapas conceptuais: Gliffy, Mindomo... Artigo no blog "Mirando al infinito"

Os mapas conceptuais son representacións da información na que se establecen relacións (grafos) entre distintos conceptos (nodos) a modo de diagrama. É un xeito de representar a información dun xeito esquemático, claro, sinxelo e de fácil comprensión. Ver tamén esta Wiki sobre mapas conceptuais.

3.3.3. Liñas do tempo: Timerime Unha liña do tempo é tamén un gráfico no que sobre un segmento horizontal que mide un periodo de tempo imos engadindo datas e acontecementos sobre algún evento en particular.

3.3.4. Issuu: permítenos subir documentos en formato pdf para despois poder visualizalos e integralos en calquera blog, wiki, etc.

.

4. Recursos con exercicios e actividades de consolidación de coñecementos e reforzo.

4.1. JClic, LIM (ferramenta creada por Fran Macías), Ardora (José Manuel Bouzán)

EducaLIM

4.2. Actividades flash online

TIC 56: Recursos TIC para 3º ciclo de Primaria, de Alberto Armada

Todo Matemáticas, para 3º ciclo de Primaria, do Goberno de Canarias.

Recursos para nuestra clase (2º ciclo de Primaria)

Recursos para el primer ciclo de Educación Primaria, Blog con recompilación de recursos variados

Sereas sen cadeas, blog con recursos para a etapa de educación infantil.

Enlaces educativos CEIP Quinta Porrúa, Santander

Educalandia, Recursos clasificados por ciclos para educación infantil e primaria.

DocentesTIC, Recompilación de recursos para a integración das TIC, para infantil e primaria

Actividades para aprender xeografía.

Tamén podemos utilizar Google Maps, para actividades de xeografía, orientación espacial, itinerarios, etc) no seguinte enlace http://maps.google.es/ . Tamén o SIXPAC, Sistema de Información Xeográfica de Parcelas Agrícolas, con maior definición e que permite medir distancias e áreas de parcelas, en http://emediorural.xunta.es/visor5/. Se aínda somos máis ambiciosos podemos descargar a aplicación Google Earth.

4.3. Recursos para o encerado dixital interactivo (EDI)

Usando o Encerado Dixital Interactivo

5. Outros recursos de apoio:

5.1. Redes sociais de docentes e outros puntos de encontro:

Internet en el Aula, red social docente, formada a día de hoxe por máis de 7.500 profesores de España e Latinoamérica. É un punto básico de encontro e unha boa axuda á formación docente. Este servizo ofrece foros, creación de grupos (máis de 140), blogs, etc.

Internet en el Aula, os mellores recursos educativos para educación primaria. Unha selección de enlaces con recursos educativos para educación primaria.

Planeta Educativo, Sindicación de Blogs de temática educativa. Un espazo fundamental para seguir a actualidade dos blogs de temática educativa a nivel español.

5.2. Blogs de ámbito TIC:

As TIC no CEIP A Rúa, Blog da comisión TIC do CEIP A Rúa, Cangas do Morrazo

TIC en Quintela, Blog do equipo TIC do colexio de Quintela, Moaña.

Blog que promove o uso das TIC nas aulas

Web da Rede TIC da Consellería de Educación

Curso online de mecanografía

5.3. Blogs con recompilación de recursos para o Departamento de Orientación, PT e AL :

Blog de departamento de Orientación. Moi bo. Moitos recursos para PT, AL...

Blog con moitos recursos de apoio para PT e AL.

Páxina para traballar as técnicas de estudo co alumnado

Blog de Orientación Educativa, CEIP A Rúa, Cangas do Morrazo

5.4. Blogs ou webs con recompilación de recursos variados

Recursos educativos para mestres/as, Blog de Xosé Vidal, con recompilación de recursos web para infantil e primaria.

Recursos educativos en internet, José Ramón Gómez Pérez

Recursos didácticos con Internet Blog: Internet (como recurso) docente

Web de Norberto Blanco Dorrío , creada xa no ano 2003, é unha das máis veteranas e representativas no campo do ensino en Galicia. Recompila unha serie de recursos útiles para a súa aplicación nos centros educativos de educación infantil e primaria, clasificándoos por temas e ciclos educativos. Asemade recolle unhas ligazóns de interese básico para os docentes galegos. Fundamental tela sempre a man, como unha páxina de inicio :-)

5.5. Xogos

Jueduland Contén unha recompilación de máis de 800 sitios web. Atopamos actividades clasificadas por áreas, materias, etapas educativas, cursos de educación primaria, etc.

De seguido presentamos un listado de webs con xogos, especialmente para a etapa de educación infantil, pero tamén para primaria:

O recuncho dos xogos

E comeron felices (Médicos sen fronteiras)

O preguntoiro

El buho Boo

Le poisson rouge

A vaca Connie

Vedoque

Pequenet

Las tres mellizas

Childtopia

O ovo de chocolate

Mundopeque

Os lunnis

Atención e memoria

Penso e xogo

Recursos ciberfamilias

Biodiverciudad

Fundación biodiversidade

Diversión para nenos (Eva Velázquez)

5.6. Webs de portais institucionais

Portal de contidos educativos da Xunta de Galicia

Banco de Recursos do Portal Educativo da Junta de Extremadura. Moi bo.

Banco de Imaxes e Sons

Recursos Educación Primaria

5.7. Outras Wikis a modo de directorio de recursos TIC

Recursos en Red, de José Ramón Vidal Calvelo. Clasifica en : Entrenamiento, Actividades, Recursos, Enlaces, Juegos e Práctico.

ReDe, Recursos para a diversidade educativa, tamén de José Ramón Vidal.

Recursos gratuítos, de Manuel López Caparrós. Clasifica en: Software, Recursos, Diseño, Web 2.0, Vocabulario, Wikis educativas e Contenidos Digitales.

Wikirepo Repositorio educativo do CEP Castilleja de la Cuesta

AS NOSAS RECEITAS PASO A PASO...

2011-01-25T11:28:00.006+01:00

A CLASE " AS FROITAS" OFRECE UNHA RECEITA REFRESCANTE E CON MOITA VITAMINA!!!. SE QUEREDES VER MÁIS RECEITAS DA CLASE VISITADE O NOSO BLOG. BICOS DE FROITA FRESCA.

COMER SAN COAS "FROITAS"

2011-01-24T09:43:00.000+01:00

(Recollido no blog: As froitas, de EI 5 anos)

Ó COMPÁS DE RIMA E COAS MANS NA MASA, INVENTAMOS UNS PRATOS SUCULENTOS QUE VOS AMOSAMOS DE SEGUIDO...

Os Reis Magos visitan o CEIP A Rúa

2010-12-22T14:15:00.000+01:00

Está mañá chegaron ao cole nos seus camelos os Reis Magos, que como ben sabedes chámanse Melchor, Gaspar e Baltasar. Viñeron cuns sacos cargados de caramelos e, despois de repartilos aos nenos e nenas do cole, volvéronos encher cos montóns de cartas que estes lles entregaron pedindo os seus agasallos.
Agora só queda esperar que dean conta de todos os recados!!

Hoxe tamén nos visitaron os alumnos de 1º de ESO do IES de Rodeira que o ano pasado estiveron en 6º de primaria neste cole. O profe Luís esperounos para saúdalos e felicitalos polas súas excelentes cualificacións deste primeiro trimestre. Sorte para todos/as no 2011.

Antonio García Teijeiro regálanos un poema con bos desexos no 2011

2010-12-21T13:26:00.001+01:00

Recibimos un e-mail de Antonio García Teijeiro que di o seguinte: "Para todos vós que sodes encantadores, este poema que quere desexarvos un 2011 cheo de amor, paz e poesía.

Bicos a toda esa comunidade escolar marabillosa."

Moitas grazas a Antonio por lembrarse de nós :-)

Calendario 2011

2010-12-21T11:39:00.004+01:00

Agredecémoslle a Luís este agasallo dun magnífico calendario do 2011 personalizado para o CEIP A Rúa, feito coa colaboración dos traballos do alumnado e mestres e mestras deste centro.

(Pincha na imaxe para ver o calendario completo)

Bo Nadal 2010!

2010-12-17T16:23:00.002+01:00

Os nosos mellores desexos dende o CEIP A Rúa para todos e todas! :-)

Presentación das parellas no Apadriñamento Lector

2010-12-16T18:01:00.003+01:00

Hoxe tivo lugar a presentación das parellas de padriños/madriñas e afillados/as. Fixémolo na hora de ler. Os de 6º foron á clase dos de 1º e alí formamos as parellas. Despois estiveron uns minutiños charlando para empezar a coñecerse, como podedes ver nas fotos:

As sensacións foron boas e todos saíron moi contentos. Pronto teredes máis noticias contadas por eles mesmos. Á volta das vacacións, comezaremos coa lectura.

Publicado no blog: Aprendizaxe en grupos cooperativos

Océanos

2010-12-15T00:26:00.002+01:00

Un bonito traballo realizado polos nenos e nenas de 4º curso.
Publicado no seu blog: Marchosos do Medio

Apadriñamento lector

2010-12-10T22:17:00.002+01:00

06/12/2010

Estamos poñendo en marcha unha actividade de aprendizaxe cooperativa baseada na Titoría entre Iguais. O Apadriñamento Lector consiste en que cada alumno/a de 6º curso apadriñe ou amadriñe a través da lectura a un neno/a de 1º curso. Na hora de ler dos venres, os alumnos/as maiores elixirán un conto e leranllo aos pequenos. O que pretendemos é, por unha parte, mellorar o proceso lector tanto nos titores (padriños e madriñas) como nos titorandos e, por outra parte, fomentar as relacións de convivencia entre grupos de distintas clases.

O programa consta de catro fases:

1. Período de formación dos titores: É na que estamos neste momento. A principios de novembro, comentámoslle ao alumnado de 6º a posibilidade de iniciar esta experiencia, insistindo na responsabilidade que conlevaba e nas repercusións positivas que podiamos obter tanto no seu proceso lector como no desenvolvemento da aprendizaxe nos nenos/as de 1º, así como a importancia que podía ter en canto a favorecer a relación e a convivencia entre cursos. Como se mostraron de acordo, iniciamos un período de formación ofrecéndolles un modelo lector en canto a entoación, volume, pausas, ritmo... e demais aspectos involucrados na lectura en voz alta. A profesora de PT, elixiu un conto adaptado ás idades dos alumnos/as de 6ª e llo está lendo na hora de ler dos mércores e dos venres, contestando ademais a todas as dúbidas que lles van xurdindo sobre o apadriñamento.

2. Formación das parellas lectoras: Ao mesmo tempo, o profesorado implicado (Antonio, titor de 6º; Chus, titora de 1º; Rosana, profesora de PT) irá establecendo as parellas en función do rendemento académico en lingua, das actitudes e aptitudes lectoras, e das características persoais do alumnado, de xeito que as parellas sexan o máis equilibradas posibles en todos os aspectos.

3. Implantación do programa: Na primeira sesión presentaránse as parellas e compartirán uns momentos para coñecerse. Cada parella recibirá un carné no que ademais dos seus nomes, irán anotando as lecturas que vaian facendo así como calquera información do proceso que consideren relevante. Nas posteriores sesións, a metade do alumnado de 6º se desplazará á aula de 1º, e viceversa, e os de 6º comezarán co apadriñamento lendo contos e axudándolles aos de 1º no seu proceso lector. Haberá unha profesora en cada aula para contestar ás dúbidas e axudar ao alumnado que o precise.

4. Avaliación: Partimos dunha avaliación inicial en canto ao proceso lector que parte da primeira avaliación de 1º e 6º nas áreas de Linguas. Levarase a cabo unha avaliación continua durante o desenvolvemento do programa, que nos permita modificar os aspectos que sexan necesarios. A finais de maio, haberá unha avaliación final para determinar o grao de consecución dos obxectivos propostos.

Publicado no blog Aprendizaxe en grupos cooperativos

Caligramas enredados (Taller de poetas no blog de 5º)

2010-11-30T01:04:00.002+01:00

Visita o blog "Rizando o rizo" de 5º de primaria

Estivemos buscando información sobre Lois Pereiro, homenaxeado pola RAG o 17 de maio do vindeiro 2011. Aprendemos, entre outras cousas, que era un representante da vangarda.
A profe recordou que os caligramas foron un signo de vangarda a principios do século XX; ensinounos algúns e animounos a crear os nosos propios.
Deixámosvos aquí uns cantos como primicia:

I'love you, en inglés.

Ti amo en italiano.

Pero lo mucho que te quiero,

te lo digo en castellano.

Tinta en un tintero,

pero con mi sangre

te escribiría te quiero.

(Dedicado a Lara)

Miguel

Me he levantado,

me he lavado,

he desayunado.

Aunque estaba dormido,

me he vestido,

he ido al colegio,

he estudiado,

he jugado

y a casa me he ido.

Iván

Eu teño unha casa

que é moi descolorida,

ten dúas ventás redondas

e unha porta amarela.

No tellado hai dous paxariños

comendo uns "gusaniños",

¡que rico!

Nadia

Eh! gatiño!

Vén para acá,

ti es o meu berce de soidade.

Veña! Vén para acá!

Eu quérote, meu animal.

Iria Miranda

Eu ao meu can

lánzolle a pelota

e vaina buscar

saltando e brincando,

correndo e ladrando.

Iria Miranda

A que son chulísimos???!!!
Pouco a pouco subiremos ó blog o resto dos caligramas.
Temos algúns en inglés!!! :-)

3 comentarios:

CEIPARUA dijo...: Sodes uns verdadeiros poetas, moi creativos/as. Estou francamente ilusionada cos vosos escritos e co voso interese e esforzo. Grazas a todos/as, seguide así. É un pracer compartir as clases de Lingua con vós, pásanme voando e aprendo moitísimo!Bicos e librosAna; 28 de noviembre de 2010 14:27
Antonio García Teijeiro dijo...: Encantáronme estes caligramas. Os poemas,orixinais, auténticos e, en moitos casos, ben ricos. Magnífico "esa tinta, ese tintero e ese te quiero". Seguide lendo porque, sen vos decatar, estaredes interiorizando versos e adquirindo unhas ferramentas valiosas para facer poemas. Xa sabedes que a poesía non se ensina, fíltrase e se vos mergullades polos versos dos/das poetas mollarédesvos de imaxes, xogos, riqueza de vocabulario etc.Roubade versos, metáforas, símiles...así aprenderedes.Parabéns e seguide lendo e escribindo.Bicos e versos.Antonio García Teijeiro; 28 de noviembre de 2010 15:24
Antonio García Teijeiro dijo...: Marabillosos poemas. Hai moita ilusión e moito traballo detrás. Lede, roubade versos, imaxes, temas, matáforas e tede en conta que a poesía non se ensina, fíltrase. Así que seguide achegándovos a ela e ides sentila moi preto de vós.Son moi feliz ao saber que rapaces e rapazas coma vós estades sentindo dentro a poesía.Parabéns.Bicos e versos.Antonio García Teijeiro; 28 de noviembre de 2010 15:33

Stabri no lago Ness

2010-11-23T11:34:00.004+01:00

Este verán Stabri estivo, nada máis e nada menos, que co monstro do Lago Ness. Quedou tan impresionado que quixo celebralo facéndonos algúns agasallos!
Para iso pediunos participar recreando o encontro de Stabri co monstro ó noso xeito: debuxando, con plastilina, etc...
E, no cole de A Rúa, como temos MOITÍIIIIIIIIISIMA IMAXINACIÓN, fixemos uns traballos fabulosos!!
Tan fabulosos e creativos, que recibimos, nada máis e nada menos, que 4 premios!!!

O 1º, para Laura Piñeiro
O 2º e 3º, para Iria Miranda
O 4º, para Antía Riobó

Estes son os traballos presentados e as gañadoras do concurso na entrega de premios:

View all

Get your own

Deixámosvos aquí a entrada que os nenos e nenas de 5 anos fixeron sobre os premios Stabri. Só tedes que facer click en Papafroitas, a mascota da clase.

BUZÓN DE CONVIVENCIA

2010-11-22T13:32:00.008+01:00

Xa está colocado o Buzón de Convivencia!!!

De momento, mentres duren as obras, contaremos cun so buzón no primeiro piso, xusto ao final das escaleiras.

Lembrade que as funcións do Buzón de Convivencia son:

1. Avisar dos problemas de convivencia que hai no centro (na clase, no patio, no autobús, nos baños...)

2. Achegar ideas para mellorar a convivencia

3. Felicitar ás persoas que fan algo ben ou melloran o seu comportamento

4. Propoñer como mellorar as instalacións do centro

5. Facer preguntas sobre a convivencia

Que é poesía?

2010-11-18T23:27:00.005+01:00

Entrada publicada no blog "Rizando o rizo" de 5º de Primaria.

XXI

¿Qué es poesía?, dices mientras clavas

en mi pupila tu pupila azul.

¿Qué es poesía? ¿Y tú me lo preguntas?

Poesía... eres tú.

Gustavo Adolfo Bécquer, "Rimas"

Hoxe na clase falamos dun poeta galego, Lois Pereiro, ó que está dedicado o Día das Letras Galegas do vindeiro ano. Descubrimos que se homenaxea deste xeito á contracultura e a vangarda.

Falamos dos caligramas como exemplos de vangarda, a principios do século XX. Vimos algúns moi orixinais. Hoxe divertirémonos elaborando algúns que mañá compartiremos e posteriormente publicaremos no noso blog "Rizando o rizo". Estade atentos/as!!

Festa do magosto!

2010-11-17T18:12:00.000+01:00

Por fin tivemos un día no que non choveu e puidemos celebrar o magosto no cole!

Primeiro os profes máis expertos fixeron o lume cun bo feixe de leña e asaron as castañas.

Despois do recreo os alumnos/as tivemos unha sesión de xogos: o pano, os aros, carreiras, etc.

E por fin chegou o momento de repartir as castañas e comelas. Tivemos que comelas fuxindo uns dos outros porque senón acababas emborrallado da cabeza aos pés. Foi o máis divertido :-)

Ah, os/as profes tampouco se salvaron e foron ben emborrallados para as súas casas!

Chegou o día

2010-11-12T12:20:00.007+01:00

Temos todo preparado: as castañas, a leña para asalas, os recipientes para degustalas comodamente... e, fallounos o día!

Agardamos con entusiasmo o primeiro día que estea bo para celebrar O MAGOSTO.

Preparados/as para o magosto!!!

2010-11-11T13:20:00.000+01:00

Dispostos/as a pasalo ben se o tempo acompaña!!!

Xuntanza de representantes

2010-11-06T19:00:00.004+01:00

Dende a Comisión de Convivencia convocamos esta semana a primeira xuntanza de representantes dos/as alumnos/as. Cada curso de Educación Primaria votou previamente a dous compañeir@s para que foran os seus portavoces. Os/as elixidos/as foron:

1º: Anxo e Joel
2º: Gabriel e Laura
3º: Inés e Mario
4º: Abel e Salwa
5º: Cristina e Iria

6º: Miguel e Tamara

Os dous alumnos de 6º formarán parte ademais do Observatorio de Convivencia do centro.

A orde do día incluiu a presentación de todos os participantes, a entrega de material, a información sobre as funcións dos representantes e do buzón de convivencia que están no taboleiro de cada clase e, finalmente, un tempo para rogos e preguntas.

Seguro que entre todos seguimos facendo do cole un espazo de diálogo e convivencia.

A clase de 5º estrea blog cun acertixo!!!

2010-11-04T18:39:00.011+01:00

Rompe a cabeza pensando!!

Ola a todos e todas! Somos alumnos/as de 5º de Primaria do CEIP A Rúa de Cangas de Morrazo (Pontevedra).
Benvidos/as ó noso primeiro blog. Queremos estrealo lanzándovos unha pregunta, aí vai:

¿Por que se chama "Rizando o rizo"?

Anímate, veña!! Anima ós teus amigos, familiares, compañeiros, coñecidos...! que vai ser moi divertido!!

Deixa os teus comentarios no noso blog: http://rizandoorizo.blogspot.com/

Comeza a Escola de Nais e Pais o 4 de novembro

2010-11-04T00:24:00.000+01:00

A primeira sesión da Escola de Nais e Pais non puido celebrarse antes e será este xoves, día 4 de novembro, ás 17:00, no CEIP A Rúa.

Para que esta actividade poida ter continuidade é moi importante a vosa asistencia.

Lembrade que podedes traer aos vosos fillos/as pois temos unha coidadora que se fará cargo deles!

ANIMÁDEVOS A PARTICIPAR!!

POCIÓN MÁXICA DO SAMAÍN

2010-10-29T12:52:00.002+02:00

AS FROITAS DE 5 ANOS PREPARAN O SAMAÍN OFRECENDO A SEGUINTE POCIÓN MÁXICA

Visitamos o XIV Salón do Cómic de Cangas

2010-10-25T19:21:00.010+02:00

Programa do XIV Salón do Cómic

Hoxe os alumnos/as de 3º ciclo visitamos o Salón do Cómic no Auditorio de Cangas.
Participamos nun obradoiro dirixido por Jacobo Fernández Serrano. Falounos da banda deseñada, que é, características, funcións...e animounos finalmente a crear o noso propio cómic.

Aquí tedes unhas imaxes para ilustrar o ben que o pasamos e o moito que traballamos!

View all

Get your own

Se queredes máis información sobre Jacobo Fdez Serrano, creador de banda deseñada, podedes visitar:

http://milcousas.wordpress.com/

http://jacobofernandezserrano.blogspot.com/

http://www.osamigosdearchimboldoroque.blogspot.com/

http://www.culturagalega.org/bd/autores_detalle.php?Cod_prsa=59&busca=Jacobo%20Fern
andez

Animádevos a participar polas tardes, a partires das 17:30, nos obradoiros no Auditorio de Cangas!!!

Escola de pais e nais no CEIP A Rúa 2010-2011

2010-10-19T14:36:00.000+02:00

Invitamos a todos os pais e nais do alumnado do CEIP A Rúa a participar na Escola de pais e nais que organiza o departamento de prevención do Ilmo. Concello de Cangas e na que colaboran a ANPA do noso colexio e o Departamento de Orientación.

A primeira sesión será o vindeiro xoves, día 21 de outubro, ás 17:00, no CEIP A Rúa. Despois celebrarase unha sesión cada quincena.

Unha escola de pais e nais trata os temas que máis nos preocupan sobre a educación e relación cos nosos fillos e fillas, e permite compartir os nosos puntos de vista cos doutros pais e nais.

É moi importante a vosa presenza, pois para que esta actividade se leve a cabo necesítase unha participación mínima de 12 pais e nais.

Lembrade que podedes traer aos vosos fillos/as pois temos unha coidadora que se fará cargo deles!

ANIMÁDEVOS A PARTICIPAR!!

O rei ra, da cineasta Lotte Reiniger

2010-09-30T23:33:00.012+02:00

Hoxe Cine A Rúa combina dúas artes, a literatura (un conto dos irmáns Grimm) e o cine (da man da cineasta alemana Lotte Reiniger) para presentarvos a historia de...

O Rei ra

Este conto relata o que lle aconteceu a unha princesa cando xogaba cunha pelota e esta lle foi caer nun estanque.
Ante esta circunstancia promételle a unha ra que lle dará o que queira a cambio de lla recuperar. A princesa acaba por non cumprir a súa promesa.
Daquela a ra preséntase nas portas do castelo, obrigándolle o rei á súa filla a que cumpra aquilo que prometera.
A princesa desconforme chega a aceptar a ra comendo do seu prato e bailando nos seus brazos, pero non acepta que probe a súa cama.
Por iso cando o seu pai non está presente opta por guindar a ra con forza contra unha parede.

A historia conclúe coa lección de que "o amor e a beleza están no corazón", logo de que a ra se converte nun fermoso príncipe.

Lotte Reiniger, namorada das sombras chinesas, ofrécenos todo un espectáculo visual utilizando na súa paleta brancos, negros e grises.
Non volo perdades!!
Ahhh! E podedes aproveitar para practicar o inglés, xa que está en versión orixinal subtitulada!!

Por fin o primeiro día de cole!!!

2010-09-15T17:51:00.006+02:00

Con algúns atrancos, pero aquí estamos, con moitas gañas de empezar a compartir novas experiencias.
Queremos dar grazas a todos os membros da comunidade educativa pola súa paciencia e esforzo, sen tod@s vós hoxe non sería posible comezar as clases.
Sinceramente, ver o sorriso co que entran os nenos e nenas pola porta do colexio fai esquecer moitos "sinsabores" de última hora. Por fin, todo volve á normalidade! Estamos de noraboa!! :-)

Deixámosvos un bo desexo do blog de música A banda do cole:

O primeiro día para comenzar con LEDICIA... BAILAMOS???

Confírmase que mañá mércores comezan as clases no CEIP A Rúa

2010-09-14T11:01:00.004+02:00

Reunido o Consello Escolar hoxe martes, ás 9 da mañá, e avaliado o estado das instalacións, confírmase que comezamos mañá mércores as clases. Agradecemos especialmente ó profesorado o seu esforzo por ter que colocar o material didáctico nun só día, sabemos que non é o idóneo e que se fai para non atrasar as clases e causar máis trastornos ás familias.
Onte recibimos por fin a visita do Xefe Territorial e da Inspectora, aquí vos deixamos o enlace á noticia que sae publicada hoxe no xornal.

O Xefe territorial de Educación, César Pérez, con membros do equipo directivo visitando as instalacións do centro

Foto:Carmen Giménez

As clases comezan o mércores 15 de setembro

2010-09-09T00:30:00.011+02:00

Mañá sairá publicado no Faro de Vigo un comunicado onde se indica que, por orde do Xefe Territorial de Pontevedra, as clases atrásanse ata o mércores día 15 de setembro.

A razón desta demora é que a obra interior estará rematada mañá a última hora e , posteriormente, dende o venres ata o martes, o concello deberá proceder ó traslado do mobiliario e á limpeza xeral do centro. Á vez, o profesorado organizará o material didáctico das aulas.

Sentimos as molestias ocasionadas ás familias pero tamén consideramos que é importante que os nenos e nenas inicien as clases en condicións idóneas de hixiene, seguridade e confort.

Por outra banda, aproveitamos para informar ós pais e nais do alumnado de Educación Infantil 3 anos, que o martes 14, ás 16:30, a titora convoca unha xuntanza informativa sobre o Plan de adaptación á escola. Esperámosvos!

Estado das obras de remodelación do colexio A Rúa, en Cangas. // Gonzalo Núñez

Enlace que vos leva ó comunicado publicado no Faro de Vigo

O profesorado reúnese en Castrillón

2010-09-02T23:17:00.009+02:00

O 1 de setembro entramos no colexio co ánimo de reunirnos e empezar coa organización das clases. Debido a situación precaria das instalacións, postos en contacto coa Inspección Educativa correspondente, esta derivounos ó colexio de Castrillón onde estamos levando a cabo as tarefas previas para a posta en marcha do presente curso 2010-2011. Agradecemos ó profesorado de Castrillón a súa amable e xenerosa acollida.

Colexio de Castrillón, en Coiro

Aínda que en principio as clases comezan o 10 de setembro, por se hai algún retraso no remate das obras interiores, é importante estar pendentes da prensa e do blog.
En canto á reunión de 3 anos, esperamos levala a cabo cando o colexio reúna unhas mínimas condicións para recibir ás familias.
Sentimos as molestias ocasionadas polas obras de reforma. Haberá que pensar de forma positiva, que todo isto derivará na mellora do centro. De todas formas, estamos facendo todo o que está nas nosas mans para que se cumpran os prazos previstos e o alumnado poida ser recibido nas mellores condicións de seguridade.

Xa se ven cambios

2010-08-25T11:39:00.003+02:00

O remate total da obra está previsto para decembro. En principio, as reformas interiores estarían listas, sendo optimistas, para o 10 de setembro; confiemos en que así sexa.

Aula de usos múltiples

Conserxería

Ampliación exterior de novas aulas

A obra avanza

2010-08-12T21:19:00.002+02:00

Aínda que nos gustaría que avanzase máis rápido, entendemos que cada fase da obra require o seu tempo. De momento xa se pode ver a cimentación dos novos espazos.
Xa queda menos!

Máis vale tarde...

2010-07-31T17:48:00.002+02:00

A máquina xa está a punto para empezar o seu traballo. Pouco a pouco a paisaxe do patio vai cambiando. Os nenos/as dan paso ás ferramentas, aparellos, máquinas e materiais propios do traballo que se vai levar a cabo.
Seguiremos atentamente a evolución.

Hoxe empeza todo

2010-07-28T01:19:00.008+02:00

Si, teño que darvos dúas gratas novas.
A primeira é que hoxe comezaron no colexio as obras de ampliación!!! Sen tempo non era!! A ver se nos sorprenden e en setembro gozamos das novas instalacións, especialmente da nosa flamante biblioteca!!

A segunda, que estamos de noraboa pois nos presentamos ó Plan de Mellora das Bibliotecas Escolares e o proxecto realizado pola Comisión da nosa Biblioteca foi valorado moi positivamente, concedéndonos unha subvención de, nada máis e nada menos, que 6000 euros!!!

Queremos agradecer o traballo dos/as profesores/as que puxeron moito esforzo e gañas nesta proposta: Luís, May, Rosa, María Caneda (Ismael, mentres ela non estivo) e María, sen eles non se podería levar a cabo.

Tamén hai que resaltar a colaboración do resto do profesorado nas iniciativas que promoveu a Biblioteca escolar, materializando este interesante proxecto.

Buscando un título para esta entrada, lembreime dunha película do ano 99 que recomendo a pais, nais e profesores/as, "Hoxe empeza todo", do director francés Bertrand Tavernier. Se aínda non tivestes o pracer de visionala, non vola perdades. Para máis información facede click no cartel promocional da mesma.

"A escola asume ante a sociedade o compromiso de educar, por suposto, pero tamén ten un compromiso coa comunidade e coa humanidade, pois é parte dun proxecto que vai máis aló das normas administrativas, das necesidades de aprendizaxe dunhas idades concretas"
(Fragmento da recensión da película escrito por Enrique Martínez-Salanova Sánchez)

Libros de texto e material complementario

2010-07-15T23:51:00.004+02:00

Este é o listado de libros de texto e material complementario do CEIP A Rúa para o curso 10-11.
Lembrámosvos que cos vales das axudas para a adquisición de libros de texto, no caso de que o importe destes sexa inferior ó concedido, pódese mercar material complementario ou calquera outro material escolar.
Para ver o texto a tamaño grande, facer clik na imaxe.

Open publication - Free publishing - More education

"Kirikú e a serpe"

2010-06-23T23:23:00.004+02:00

Os alumnos e alumnas de 6º deixáronnos, antes de marchar, un agasallo especial para tod@s nós, un verdadeira xoia que foi o traballo de todo un curso.
Grazas a May por tomar a iniciativa e acompañalos na creación deste vídeo de animación tan especial.
Esta é a escola que nos gusta!! :-)

Como veredes, está dedicado ó profe Luís, o seu titor durante estes dous últimos cursos, que este verán comeza tamén unha nova andaina.
Unha aperta afectuosa ós alumnos e alumnas de 6º e, como non, tamén ó profe Luís, boa sorte a todas e todos!!

Xogo fin de curso 2010

2010-06-23T00:05:00.009+02:00

Hoxe rematamos este curso. Pasou voando!- dicía unha nai- Parece que foi onte cando empezamos as clases!

Foi un día divertido co xogo fin de curso, as festas de aula. Cheíño de emocións coas apertas e os bicos dos que se van a comezar unha nova andaina.

Os corredores inundados de risas, algún berro de emoción, música... viseiras vermellas que ían dun lado a outro, todos e todas na busca da sinatura dun amigo, dunha profe, de Paco...

Que grande invento o da fotografía, que inmortaliza estes momentos irrepetibles e fainos permanecer no tempo e na memoria! Con estas imaxes, desexámosvos un feliz e relaxado verán e, xa sabedes, esperámosvos de novo o 10 de setembro, probablemente cun cole case novo!!
Bicos a todos e todas de... brisa mariña! Ata despois :-)!!

View all

Faladeiros 2010

2010-06-18T01:44:00.005+02:00

Xa temos en formato dixital a edición deste ano da nosa revista Faladeiros.
Queremos agradecer a todas as persoas que contribuíron a que esta revista fose unha realidade: ao profesorado en xeral, aos alumnos/as, á ANPA, ó IES de Rodeira, o CEIP do Hío, á profe Patricia, que realizou un gran traballo de coordinación, a Violeta, nai de Antía, que se encargou da maquetación e o deseño e que puxo toda a súa profesionalidade á nosa disposición...
Froito deste traballo colectivo, este magnífico resultado final:

Abrir publicación

Festa fin de curso 2010!

2010-06-15T13:50:00.022+02:00

Aínda que as predicións meteorolóxicas non eran moi esperanzadoras, tiñamos encargado un día de sol, e Lorenzo non nos fallou.

Nos xogos, pola mañá, moitíiiiiiisima participación infantil. Como non, Stabri un máis, pasando de man en man e de xogo en xogo. Foi esta a razón de que o domingo, xornada de descanso, tivese que pasar pola lavadora. Hoxe está impoluto, cun perfume embriagador!!

Agradecemos a colaboración dos pais e das nais, sen eles/elas estes xogos simultáneos non poderían levarse a cabo. Tiñades que ver como tiraban os pequerrechos da corda! Os maiores caeron rendidos ós seus pés, case literalmente!

Tivemos os/as mellores presentadores/a: unha dicción!, unha simpatía!, comentaristas
deportivos e culturais sen parangón! Estes mozos e mozas de 6º prometen!

Ó mediodía, moitas familias compartimos empanada, tortilla, pizza, torta... entre risas, anécdotas e a alegría de fondo dos de 6º que comían xuntos/as, invitados pola ANPA.

Non podemos esquecernos dos antigos alumnos/as que participaron, colaboraron e agasallaron ó colexio e á ANPA. Fixeron un bordado a punto de cruz co nome do colexio que é unha mostra do bo recordo que teñen do centro, que ben nos sentimos por isto :-)!!!

No concurso culinario, houbo de todo, tortillas, un roscón para alérxicos, unha torta de piña, croquetas, empanada, unha sobremesa portuguesa portugués con fideos e canela... aínda que esta vez os pratos premiados estiveron bastante claros.

Pola tarde, exhibición das actividades extraescolares:

Teatro, con dúas obras, a primeira titulábase “O microscópico, minúsculo, diminútico circo de pulgas”, un texto de Fabián Sevilla. A segunda obra é “Zongalo Quirico”, unha adaptación da narradora, poetisa e dramaturga galega Gloria Sánchez que trata o tradicional conto do Galo Quirico.

Patinaxe, foron moi vistosas as coreografías e quedamos impresionados/as polo traballo dos pais e nais maquilladores/as, verdadeiras obras de arte no rostro!

O CEIP de Espiñeira, Aldán, sorprendeunos cunha exihibición de kárate. Batuka e bailes das alumnas de 4º e de 5º puxeron ritmo á festa.

Os nenos e nenas de 6º, facendo honor do seu trilingüismo, cantaron "No more trouble", de Bob Marley.

A exposición fin de curso tivo moita afluencia de familias, encantáronlles as fotos que recollían algunhas das actividades escolares de todo o curso. Stabri tivo un lugar especial na exposición.

Queremos agradecer á ANPA todo o seu esforzo para que puidésemos gozar desta festa :-)

E, por último, dicirvos que a celebración foi dobre, xa que ¡¡por fin cortaron os perigosos eucaliptos que estaban preto do colexio e que nos quitaban tanto sol en inverno!!
¡Sen tempo non era!

View all

Get your own

Así ven os nenos e nenas a STABRI

2010-06-11T13:32:00.003+02:00

¿Queredes ver con ollos de nenos e nenas a Stabri?
Mirade que debuxos! Espero que Stabri se vexa favorecido nos retratos, polo menos están feitos con moito agarimo!!

Stabri hoxe no Faro de Vigo

2010-06-08T13:56:00.006+02:00

Hoxe o Faro de Vigo faise eco da presenza de Stabri en Cangas, no noso cole. Deixámosvos aquí a noticia e algunhas fotos do seu paseo de onte pola nosa vila con Néstor (2º Primaria). Grazas a Néstor e a súa familia pola bonita reportaxe.

Se facedes click na noticia, podedes vela un pouco máis grande.

View all

Get your own

Andaina polo río Xabriña

2010-06-07T18:07:00.015+02:00

Onte fixemos a xornada de convivencia para familias 2009-2010 e, aínda que esperabamos algo máis de participación, foi unha experiencia moi, moi agradable.
Partimos da Rúa cara ó río Xabriña, con algo de sono pero moitas gañas de pasalo ben. Lucía o sol. Cando chegamos a Paraños (Covelo) atopámonos con todo disposto para a Festa do chourizo e pensamos: un bo refrixerio para a volta!!

Dende un principio, o ritmo foi marcado polos máis cativos que, cun andar frenético, deixaron a máis dun pai e nai coa lingua de fóra. Ata Marco, o pequerrechiño, deunos un exemplo de resistencia, foi todo un campión que só quixo o colo de papá unha vez rendido polo sono.

Acompañounos Stabri, o moneco viaxeiro, que fixo as delicias de pequenos e grandes e que, co seu encanto persoal, fixo famosas amizades.

A senda, de verdade, paradisíaca, fai un ano que se homologou e está en perfecto estado de conservación, moi sombreada, con vexetación exuberante e cun nivel de dificultade baixo para camiñar. Atopámonos con moitos muíños, algúns restaurados. As augas cristalinas e xélidas, alivio dos pés cansos.

Comemos, durmimos a sesta, conversamos, xogamos coa auga e ata algunha que outra recibiu unha masaxe nos pés. Como nos sobrou tempo pola celeridade dos máis pequenos/as, achegámonos á festa do chourizo. Alí escoitamos a Concha de Luneda e saudamos a Leni Pérez, do programa Larpeiros da TVG. Bailamos, comemos xeados e xogamos ata non poder máis.

Queremos darlle unha aperta a todas as familias que participaron e especialmente a Olivia, tía de Antón, Manel e Teo, montañeira celta, que nos guiou e foi encantadora con todos/as nós. Para o ano xa pensamos nun posible destino, Forcarei. Animádevos a acompañarnos!

Máis imaxes inesquecibles:

View all

Get your own

Está no cole Stabri, o moneco que viaxa polo mundo

2010-06-04T00:09:00.024+02:00

Dende hoxe temos connosco no cole un novo alumno, chámase Stabri de Monogo, algúns nenos din que é ucraniano pero un paxariño contounos que é made in Coruña.

Stabri é un moneco ó que lle encanta viaxar, xa percorreu moitos países (Arxentina, Inglaterra, Francia, Israel) e diferentes comunidades autónomas aquí en España. É a primeira vez que está nun colexio e que comparte con nenos e nenas as súas aventuras.

Stabri é moi moderno, ten carné, páxina web, correo electrónico e conta en facebook e twenti. Fai comentarios sobre como lle vai, como este:

Sigo viajando con mi nuevo portador: Colexio A Rúa de Cangas do Morrazo (Pontevedra) está siendo un aventura estupenda. Cuando ya todo el mundo piensa en las vacaciones a mi me matriculan en un coleee!!!

O mércores os de 6º recollérono en Coruña. Levárono ó Domus, á Torre de Hércules, viaxou 2 horas en autobús e, de noite, durmiu en casa de Patri, que moi amablemente o acolleu: aseouno, sentouno á mesa, meteuno na cama...

Entrega de Stabri na Coruña no Domus.

Na Torre de Hércules, que vértixe!!

Pola mañá estudou duramente e, cando os de 6º o levaron a Infantil, foi todo un acontecemento!! Foi a clase de inglés, á hora de ler, estivo no patio de recreo onde montou en triciclo, lanzouse polo tobogán, uliu as flores...

Creo que nunca foi tan tenramente abrazado!!

Ram, ram... que relax!!

Stabri, con tanto bico vante gastar!!

Os de 1º debuxárono e dixeron que mañá o levarían ó patio a xogar ó fútbol (preguntaron se andaba) Teremos que botarlle unha man!!

Hoxe foi durmir con Luana, unha nena de 2º, prometeu coidalo e traernos algunha foto de como o pasou na súa casa.

Con Luana e o seu canciño Vipo.

Máis fotos:

Estreo no Auditorio de Cangas

2010-06-03T17:58:00.011+02:00

Neste curso, o grupo de teatro da ANPA do CEIP A Rúa unimos dúas obras totalmente diferentes por medio do xogo do teatro.

A primeira titúlase “O microscópico, minúsculo, diminútico circo de pulgas”, un texto de Fabián Sevilla. O que esta obra pretende conseguir é transportar e estimular a imaxinación do público a través dun circo de pulgas imaxinario.

A segunda obra é “Zongalo Quirico”, unha adaptación da narradora, poetisa e dramaturga galega Gloria Sánchez que trata o tradicional conto do Galo Quirico. Dúas obras divertidas que potencian a capacidade expresiva dos actores e pretenden ofrecer un ambiente cálido e próximo ao público.

Este martes pasado actuamos no Auditorio de Cangas xunto a outros centros, Castrillón, Espiñeira, O Hío e San Roque, cun rotundo éxito. A obra realmente é divertida é orixinal. Nestes últimos días de curso representarémola no colexio a todos/as os nosos/as compañeiros/as.

Aquí vos deixamos algunhas fotos da representación teatral no cole:

View all

Get your own

Queremos darlles as grazas ós nosos actores por divertirnos coa súa representación e ó director, Juan, polo seu esforzo!

En A Rúa estamos preparados/as para unha emerxencia!!

2010-05-28T18:14:00.015+02:00

O venres no cole levamos a cabo un simulacro de evacuación.
Sobre as 10 horas da mañá, apagouse a luz e comezou a soar unha estrana campá que nos desconcertou. Nun primeiro momento, pensamos que era algunha clase que andaba polo corredor facendo algunha falcatruada pero, ante a insistencia do sinal acústico, saímos das aulas e...Cáspita!! É un simulacro de evacuación!

Atopámonos cun grande obstaćulo na entrada principal: INCENDIO NA CALDEIRA, PASO CORTADO!! O peor foi para os de 5º que, ó estar na Biblioteca, tiñan o paso cortado por lume e non podían saír. Tras uns instantes de desconcerto, en canto chegou a Policía Local, comezaron a evacuación por unha das ventás, foi todo un acontecemento!!

En xeral, o noso proceder mereceu un...notable alto, con algunhas pequeniñas deficiencias, como algunha porta aberta. Tra-lo exercicio, os máis pequenos/as puideron subirse ó supercamión de bombeiros que moi amablemente lles ensinaron Protección civil e a Policía Local. Dámoslles as grazas por colaborar connosco e contribuír a que na Rúa esteamos moi preparados para unha suposta emerxencia.

O Faro de Vigo fíxose eco do noso simulacro de evacuación:

Un incendio muy didáctico

Un simulacro de fuego en el colegio A Rúa deriva en clases de Protección Civil

Daba el reloj las diez y el conserje la alarma al 112 por un supuesto incendio en la sala de calderas. Con la directora al frente, se cortó la luz y el agua, se hizo sonar la campana de emergencias y los alumnos fueron evacuados al exterior. Llegaron la Policía Local, Guardia Civil y Protección Civil, que aprovechó el viaje para mostrar sus medios.

Un grupo de niños y niñas desfilan ante el camión de emergencias
(Gonzalo Núñez)

G.M.PORTELA - CANGAS La respuesta a la emergencia fue eficaz, aunque sirvió también para pulir algunos pequeños errores de actuación y coordinación, que es lo que se pretende con este tipo de simulacros. Además, el día y hora elegidos no eran los más apropiados, ya que la mayor afluencia de personas y vehículos a Cangas y el mercadillo de los viernes obliga a desplegar todos los efectivos en el centro urbano. "Pero bueno, diso se trata, porque os accidentes pasan cando pasan, e non cando hai más medios dispoñibles", reconocían miembros de los cuerpos desplegados en A Rúa, mientras una madre que se acercó algo asustada al recinto, respiraba aliviada al encontrarse con expresiones relajadas. "Ah, es un simulacro, ¿no?"
Miembros del turno de guardia de Protección Civil acompañaron a representantes del centro, con la directora al frente, en un recorrido por las instalaciones, y luego pidieron aprovechar la visita para enseñar a los cerca de 200 niños y niñas que estudian en A Rúa los medios con que cuentan los equipos de emergencias. Así, se formó una cola para sentarse al volante del camión de incendios, e incluso hacer sonar las sirenas, para regocijo de los pequeños protagonistas, que fueron desfilando por el interior del aparatoso vehículo mientras se tomaba testimonio gráfico de la experiencia.
Los simulacros en los centros de enseñanza se realizan periódicamente para conocer la respuesta de los responsables de los colegios y también de los equipos de emergencias. Existe un protocolo de actuación al que deben ajustarse en cada caso, y la coordinación es fundamental en caso de que el peligro sea real y no simulado. Además, Protección Civil realiza otros servicios de apoyo, como clases formativas y atención a otras carencias de los colegios. Ayer venían de O Hío de suministrar agua, al producirse cortes en la red de abastecimiento.

A Xunta publica no DOG o Decreto de Plurilingüismo

2010-05-27T10:06:00.004+02:00

>> O Goberno galego fai público o texto da polémica norma despois de anunciar os seus puntos clave a pasada semana

>> O decreto 79/2010 elimina a consulta aos pais en Primaria e Secundaria, pero permite aos cativos o uso de calquera lingua oficial en clase e especifica que materias se impartirán en galego e cales en castelán.

A Xunta acaba de facer público no Diario Oficial de Galicia o texto do decreto do plurilingüismo no ensino non universitario de Galicia. O Goberno galego, logo de explicar algúns puntos clave a pasada semana tras o Consello, publica por fin todos os detalles dunha norma que foi rectificada trece veces desde que en decembro pasado o presidente Núñez Feijóo anunciase un anteproxecto. O decreto 79/2010 mantén as liñas bases do anunciado polo Executivo hai tan só uns días, polo que retira a consulta aos pais en Primaria e Secundaria ata facelas posibles cunha lei 'ad hoc'
O decreto, no entanto, especifica que en Primaria e Secundaria, Matemáticas, Tecnoloxía e Física e Química deberán ser impartidas obrigatoriamente en castelán, mentres que Coñecemento do Medio, Ciencias Sociais, Natureza e Bioloxía daranse en galego. Esta disposición provocará que moitos profesores que levaban anos dando as súas clases en galego teñan que cambiar o seu idioma habitual.
Ademais, a norma confirma a desaparición dos "equipos de normalización e dinamización", que pasarán a denominarse "equipos de dinamización da lingua galega" e especifica que o alumnado "poderá utilizar nas manifestacións oral e escrita a súa lingua"

O PSdeG, disposto a un pacto da lingua se Feijóo retira o decreto

A CIG recorre o decreto ante o TSXG

A Mesa tamén recorre o decreto do plurilingüismo

O PP descualifica as peticións de PSOE e BNG para retirar o decreto

Informática para pais e nais o vindeiro mércores

2010-05-23T23:50:00.011+02:00

SESIÓN FORMATIVA DO MUNDO DAS TIC

O vindeiro mércores, día 26 de maio, ás 17:00 horas, na aula de informática do noso centro, terá lugar unha sesión formativa sobre diversos aspectos do mundo das TIC (a informática e os ordenadores)

Trataranse temas como:

- As vantaxes de usar software libre nos nosos ordenadores.
- Aplicacións básicas (programas) en software libre (suite ofimática, navegador de internet...)
- Recursos educativos en internet: busca de información (google, wikipedia...), actividades online (flash, Jclic), xogos educativos, práctica de mecanografía, google maps, blogs, etc.
- Seguridade en internet... e calquera outro tema do voso interese.

Esperámosvos a tod@s!!!

Non fai falta que teñades moitos coñecementos de informática, só gañas de aprender!! Animádevos!!

Publicado no blog da ANPA

1º Correlingua do Morrazo

2010-05-22T01:46:00.006+02:00

Hoxe, 21 de maio de 2010, inauguramos o 1º Correlingua do Morrazo. Saímos con puntualidade do colexio, protexidos con crema solar e gorras porque o día prometía unha solaina de coidado, e así foi. Xuntámonos en Bueu moitos nenos/as dos coles de O Morrazo: A Rúa, Seixo, A Pedra, Beluso, O Carballal, Quintela, O Hío... Os do cole do Hío foron moi finos e ata levaron os seus propios gaiteiros!!

Demos unha volta polas rúas de Bueu e tivemos que suar a gota gorda, así que aproveitamos para reivindicar un lema improvisado: "Estamos asados, queremos xeados!" Despois xuntámonos todos na nova praza do Concello, onde nos esperaba Mama Cabra para facer a festa. Alí cantamos, bailamos e refrescámonos con auga todo o que puidemos.

CORRELINGUA é a denominación que adoptaron de maneira común a partir de 2001 as diversas carreiras en prol do idioma que se convocaron no país. É unha proposta de carácter lúdico, educativo, e reivindicativo que pretende convidar á mocidade e aos centros de ensino a participar nun acto público de reivindicación do dereito de medrar en galego e tamén a exercer de maneira efectiva como galegos e galegas a través do uso do noso idioma, única forma de garantir o seu futuro.

Letras Galegas 2010, homenaxe a Uxío Novoneyra

2010-05-20T10:25:00.039+02:00

Esta semana levamos a cabo distintos actos e actividades didácticas para conmemorar o día das Letras Galegas que este ano está dedicado á figura do escritor lucense Uxío Novoneyra.

Os nenos e nenas de 4 anos elaboraron un cartafol sobre a súa vida e obra que recollemos nesta bonita presentación:

O martes, os alumnos e alumnas de 6º curso agasalláronnos cunha presentación audiovisual. Recitáronnos poemas de Novoneyra, acompañados coa música e as fotos da serra do Courel onde naceu o poeta.

E durante toda a semana, ata este venres, en horario de 16:30 a 18:00, está aberta a exposición "Os nosos maiores" na biblioteca do noso centro. Animádevos a visitala!

(Se pinchades na foto podedes ver todas as demais).

PERSENSAR: Conferencia de Carmen Loureiro

2010-05-14T00:51:00.002+02:00

Os pais, nais e profesores/as do CEIP A Rúa asistimos hoxe a unha marabillosa charla impartida por Carmen Loureiro, mestra e profesora de linguas do IES de Vilagarcía de Arousa. Carmen hai anos que forma parte dun grupo que investiga as posibilidades da filosofía para nenos/a, e coa súa graza e habilidade comunicativa animounos aos pais e nais na difícil tarefa de educar.

A súa charla tiña por título: "Como estimular a curiosidade e a aprendizaxe nos nosos fillos e fillas". Falounos primeiro da pirámide das necesidades, e que para que un neno/a disfrutase coa actividade diaria era preciso que tivese previamente outras necesidades básicas cubertas (fisiolóxicas, seguridade, amor e pertenza e, autoestima). Estas necesidades precisaban ser cubertas na súa xusta medida, é dicir, os pais/nais temos que ter coidado de que aos nosos fillos/as non lles falte de nada, pero tamén de que non se afoguen nos excesos. Debemos fomentar a súa autoestima, autonomía e responsabilidade persoal dende ben pequenos.

Logo falounos da importancia de educar tres dimensións principais do ser humano: percibir, sentir e pensar (de aí a palabra PERSENSAR). Percibir quere dicir ensinarlle ao neno/a enfocar a atención nos seus sentidos, de xeito que se faga consciente de que existen sabores, cores, aromas, texturas, formas... e iso podémosllo ensinar no día a día poñéndoo diante de experiencias diversas de tipo sensorial. Ensinar a sentir implica cultivar a sensibilidade humana, a empatía cos nosos semellantes. Ensinar a pensar supón formarse un pensamento analítico e crítico coa realidade.

Non existe unha única intelixencia, como se pensaba aínda hai poucos anos. As modernas teorías da psicoloxía falan de intelixencias múltiples, e a nosa tarefa como pais/nais e educadores é cultivalas todas na medida do posible. Temos así a intelixencia emocional, a intelixencia lingüística, matemática, musical, artística, etc. E o mellor xeito de cultivalas e poñendo ao neno/a en situacións reais ou o máis reais posibles e buscando sempre a súa implicación e estimulando a súa curiosidade. Podemos utilizar moitos recursos: os contos, a música, a arte, a natureza...

Como colofón final teremos que lembrar que nós, os pais/nais e mestres somos os modelos que os nosos fillos/as imitan, e que moitas das cousas que aprenden fano xusto cando nos están mirando sen que nos deamos de conta, mentres nós temos a atención posta noutro lado.

Moitas grazas, Carmen :-)

Interculturalidade no CEIP A Rúa

2010-05-06T12:35:00.007+02:00

Hoxe o día 6 de maio, fomos a clase de 4º escoitar a unha moza que se chama María é que era unha representante dunha asociación humanitaria que traballa en América central nestes momentos, axudando ás persoas pobres.
Explicounos cousas de América Central e despois contounos un conto de como a India se converteu nun sol.

Nenos e nenas de 3º de Primaria

Hoxe, xoves, 6 de maio, veu á Rúa un "atrapa contos" chamado Anxo e o seu axudante Mohamed Kechua, un cociñeiro de contos. Ensinounos a cociñar contos. Contounos moitas historias sobre África e os emigrantes. Contaba os contos con monicreques que fixeron as mulleres que traballaban para que os seus fillos foran á escola. Tamén os contaba coas areas do deserto e as bágoas da paz.

A continuación chegou Mohamed montado no seu patinete, un patinete da paz. O primeiro que fixo foi ensinarnos a cociñar contos. Contounos un conto con forma de corazón. Ensinounos unha marioneta que era da paz. Invitounos a participar nos xogos e mollounos coas bágoas da paz. Ensinounos unha receita para cando unha persoa insultaba a outra que era "Non insultes, sé tolerante". Despedímonos cunha canción africana e galega que nos fixo moita gracia.

Nenos e nenas de 4º de Primaria

Felicidades a todas as mamás do CEIP A Rúa

2010-05-02T22:33:00.006+02:00

A mellor mamá do mundo!!

Moito me gusta estar contigo.
Ai! que guapa es.
Mil bicos che dou.
Á estrela máis bonita do ceo.

¡Sen ti non podería vivir!
¡Es a mellor mamá do mundo!

Publicado no blog "Formigas" de 2º

Carta do poeta Antonio García Teijeiro

2010-04-30T14:05:00.006+02:00

Sentímonos especialmente felices, Ían expresouno espontaneamente, "Belíscame, isto é un soño!!".
O poeta Antonio García Teijeiro contestou á nosa carta. Esto foi o que nos escribiu:

Vigo, 21 de abril de 2010

Meus queridos amigos e amigas do CEIP A Rúa. Como estades? Sodes uns verdadeiros xenios. Como non ía ser así? Sabedes que as palabras serven para rir, chorar, amar, bicar, facer felices aos demais. Estou moi contento de que escribades poemas. Que ben o facedes!

Estou moi contento de que vaiades ó teatro. Estou moi contento de que leades e vos lean poemas. Estou moi contento de que vos acheguedes ás obras de arte. O "Guernica"! Que emoción e rabia sentía eu cando o vin. Resulta que foi hai ben anos e estaba protexido por unha mampara de cristal para protexelo dalgún tolo que lle dese por facerlle dano . A emoción, velo. A rabia, velo cuberto.

Que sorte ter unhas "profes" como Chus e Ana que vos achegan arte en todas as súas manifestacións. E que debuxos! Este ano vai ser difícil que me achegue ata aí. E esa sorpresa... Pero o curso que vén faría un esforzo. A ver.
Ben, grazas por serdes tan riquiños. Bicos.

Antonio García Teijeiro

Estes son os comentarios dalgúns dos nenos e nenas de 1º ciclo despois de lerlles a carta:

"Non me creo que poida ter unha fotocopia da carta dun escritor" (Ada)
"Nótase que escribiu a carta con amor" (María)
"Se vén ó cole o vindeiro ano, ben para el e para nós para coñecelo mellor" (Pablo)
"Se lle nota que a fixo con moito esmero e cariño" (María)
"Para min é un auténtico tesouro" (Álvaro)
"A min encantoume porque dicía un montón de palabras fermosas. Nótase que lle gustaría vir pero como ten moito traballo, non pode. Emocionoume a carta. Espero que veña o ano que vén" (Andrea)
"É moi bonita, ten moito amor" (Laura)
"Para min a carta é como un poema precioso" (Ían)

Como Antonio non pode vir, enviámoslle dende aquí a nosa sorpresa, o noso poema visual elaborado a partir do poema que el nos dedicou.
Esperamos, Antonio, que che guste :-)

O teu poema:

A nosa recreación visual do mesmo:

Como ves, os nenos e nenas nadan portando palabras fermosas na súa pel. As flores en lugar de pétalos teñen beizos, cheíños dos bicos que nos enviaches.

Non deixes de vir vernos o curso que vén!! Esperámoste!!